Nehemi 9:30 - NQAARIIT NE ROOG

³⁰ Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

Nehemi 9:30 Referans Kwoze

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

Esayi 42:24

An ɓoxotu a Isra’el we nguytooguuna, kaam ee an ɓoxotu a Yakoob we ngefooguuna? Andum refee o Yaal oxe i tooñna. O leng na den bug’ee o reef a ƭat ale Roog um a xalanuuna, too nan-gilooxee a cangin um.

2 Piyeer 1:21

A ƭelem ake no duleer we Roog mosee o ngat no bug no kiin. Yiif Tedu le reeƭu oxe ɗoxoogna a den boo da layaa a ƭelem akaa inoorna na Roog.

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

Sakari 7:13

Feek nan-gilooxee, ye um xoyaa a den, mi itam nan-gilooxiim, ye da ƈufginooxaxama. Mi o Yaal oxe Hupna fop layun.

A ƭomatax ake 2:17

O Yaal oxe a fi’a ke ta yuuɓ’ina. A fadna ke ta lay’ina, ke ta fosoox’ina, yaa o leng a andeerna: A yaqa too yirmee dara. A fi’a boo o pañ of a ɗaay, a ci ñaañagadil of o ndam.

Yeremi 25:4

O Yaal oxe a lultiida a nuun duleer we dag um fop, roog fuu feedna ta luliid a den, ndaa nu nan-gilooxee, nu ndungee nof nuun, ndax nu nan.

Esayi 63:10

Kaa koy, kaa nanaƭar’u, a ngooyand Yiif Tedu le ten, ta geleeroox, a refat o pañ den. O ten o mat ñoxoru fa den.

Nehemi 9:29

Maƭooxaa a den, ndax da nomtooxiid no kebil of, ndaa den o mat, a magnandooxooga, a mbañ o ndeef kebil of. A ƭapa bargal ke wo o kiin oxe warna o fadin, ndax ta ñoow. Kaa nquun yaam nanaƭar, a saƭik a qoox, a mbañ o nan-giloox.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

A pi ake 28:25

Den fop koy a asoora yaam ne da njofoor’eerna. Naaga, Pool a doona teen keeke: «Yiif Tedu le a laya ndigil kak, ye ta layna fo daan we nuun, a reefandin no tuleer Esayi.

A pi ake 13:18

A muñanooga a den boo xa kiid qarɓeen nahik na koƥ-a-ƥor alaa,

Yeremi 44:22

O Yaal oxe waagatee o muñ kañaan ne na pi nuun fo cednooxu ke nu mbi’na. Ten taxu saax le nuun a fes a pec, a wootat, a saloorteel, too genataand, ne ta refitna xaye.

Yeremi 7:25

No kaa xotitna no ñaal naa daan nuun a sutoorna no saax laa Misira, a gar fa xaye, kaam lultiidoogu a nuun duleer we dag es, roog fuu feedna um luliid a den.

A kim a tedu ke 86:15

Wo o Yaal oxe o mat, Roog fa mayu yirmande refo, yaaj kam, muñantaa, may fo o mbeq fo ngor.

Nehemi 9:20

Ci’aa a den yiif faaxu of, ndax da njeg o and. Xañiro a den maan fee ñoowdandtoogoona a den too ci’aa a den foofi, ndax o ɗax a koɗom den.

2 Piyeer 3:9

O Yaal oxe ñakkee o fadin muk a tegit um, ne leng-leng a mboogtuuna. Kaa koy, a jega o muñ na nuun, yaam bugee o leng a saŋkoox, ndaa kaa bug fop a mbes pakaad den a cinj.

A lim ale 11:26

A jeg’a no goor qarɓeen ɓetuu ɗik weene ɗik waa yoq’ina no saŋe naa, a mbañ o ndet no Ƭiif naa, o leng oxe Eldad a ne’’e, o lakas oxe a ne’el Medad. Yaqanee koy, Yiif le Roog a fudoox’a took den, too a njo’tanoogaan.

A kim a tedu ke 95:10

Suk neene kaa mbat’aam xus boo xa kiid qarɓeen nahik, too layaam ee: «Kaa ndef xeet fa mo’u mir. Andee muk a ƭat es.»

Esayi 28:10

Nan-gilooxyo: kebil took kebil, kebil took kebil, bargal took bargal, bargal took bargal, o ndik mene, o ndik maana.»

Esayi 48:9

Kaam dam fuux es yaam gon es. O ndam es taxu um wuus a nuun, fañ o saŋik a nuun.

Sakari 7:12

A saƭkanda a qeeñ den koŋ nen jamaa, ndax nan-gilooxkee a cangin es fo fa lay es, mi o Yaal oxe Hupna fop, lultiiduuma na pexey Yiif es, reefandin no duleer we yaaga. Keene garu fo fuux ɗomu le mi, mi o Yaal oxe Hupna fop.

2 Maad we 18:11

O maad oxe Asuur kaa ɓis’u Ii-isra’el we kam Asuur took o hup doole soo a dalin a den no jegel olaa Halah fo paam a ƈufnand alaa Haboor no jegel olaa Gosaan fo kam teeru ke no saax laa Medi.

2 Maad we 21:10

Maaga, o Yaal oxe a laya, a reefandin no duleer we dag um ee:

2 Caloori ke 24:19

O Yaal oxe a lultiida a den duleer ndax weene a nomtiid a den me ten. Duleer we a ƥanja a den, ndaa a mbaña o nan-giloox a den.

Esdaraas 9:10

Ndiiki koy, wo Roog in, xar i laykaa a cinj kaaga? Yaam i mbaasa kebil ke wo

Yeremi 44:4

Kaam gen no luliidaa a nuun duleer we dag es ñaal oo ñaal, ndax da lay a nuun ee: ‹Mbaasyo a pi a cednooxu leene sibuuma!›

Yeremi 44:5

Kaa koy, nu nan-gilooxee, nu ndungee nof nuun, ndax nu mbaas paaxeer ke nuun, mbañ o ndoxan cuuraay roog can ke.

Dañel 9:6

I nan-gilooxee duleer we dag of layanoogoonga fo maad we in fo kelfa ke in fo daan we in fa xeet fa muum fee no saax le.