Nehemi 9:27 - NQAARIIT NE ROOG

²⁷ Maaga, ɓoxotaa a den na xa ƥay no fañ den, da toroxandaa a den. Kam naqad den, a ƈufginooxaang, soo o fod na asamaan, nanaa a den. Kam yirmande fa maak fee wo, lultiidaa a den waawat, soo da mbat a den na xa ƥay no fañ den.

Nehemi 9:27 Referans Kwoze

2 Maad we 14:27

Kaa koy, o Yaal oxe heboox’ee o moocand Ii-isra’el we. Ten taxu a mucla a den na pexey Yerobowam fee o ƥiy Yehowas.

2 Maad we 13:5

O Yaal oxe a lulta a den o baawat, ta wat a den na xa ƥay no Aa-araam we. No kaa xotitna maaga, Ii-isra’el we a ñoowoogata na jam nen eetaand.

2 Caloori ke 36:17

Maaga, o Yaal oxe a inaniida a den o maad oxe no Kaakalde we, ta gar a warit mbes ke laƥ kam mbind tedu ne. O Yaal oxe yirim’ee o fes mbaat o toog mbaat o maak mbaat oxaa fuumna, ndaa a ɓoxota fop na xa ƥay um.

Haahate we 2:18

Mbanuu o Yaal oxe a sutanna a den o kaahate, a refooga fo ten, a wataa a den na xa ƥay no fañ den no ñoow ole no kaahate xeene fop, yaam o Yaal oxe a yirmooga a den yaa da iinaa no we ñagadiloogna a den fo no we ngal’andoogna a den.

Abjaas 1:21

Waawat weene xan a ŋaay took o joong ole Siyoŋ, a ngame took xa coong axe Esawu, too o Yaal oxe na refkaa o maad den.

Nehemi 9:19

Wo o mat, kam yirmande fa maak fee wo, waasiro a den kam a koƥ-a-ƥor alaa. Eel fo suun le riƈatooxee a den no ñaal ne, ndax ta ɗox a den na ƭat ale, ne’atiim aal fiɗel le no yeng ole, ndax ta xoolandan a den a ƭat den.

A paɗax ale 26:17

Xam fes a nuun a cinj, too xan fañ nuun a maaf a nuun. We sibna a nuun xan a maadoox took nuun, nu ƈufaa, too o leng raxkee a nuun.

2 Maad we 17:20

Ten taxu o Yaal oxe a deɓ xa taan axe Isra’el fop ne da mbodeena, a neewand a den soo a ɓoxot a den na xa ƥay no we njangaloogna a den boo a paf o deɓ a den maa goƭuuna.

2 Maad we 17:39

Mi o Yaal oxe Roog nuun doŋ nu mbaru mbaɗoox, yaaga xam mucil a nuun na xa ƥay no fañ nuun fop.»

A kim a tedu ke 136:24

soo a wat a in no ñaañagadil we in, yaam o mbeq um xan a maadaa boo faw,