Nehemi 9:26 - NQAARIIT NE ROOG

²⁶ Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

Nehemi 9:26 Referans Kwoze

1 Maad we 14:9

No we adooxoonga fop, wo moƴu o faaxaƭar teen a pesoorooƭ. Kaa o ret fi’an a xoox of roog lakas fo nitaal celem cawe, ndax o fuuxnooraam. Kaa o naagaam fir deɓaam.

Nehemi 9:18

ke da mbi’anna a qoox den o nqeel wurus o nqawne fop oo, a ndamtin ee: ‹Roog in oxey, sutna a in Misira.› A nqeefaang tigi.

A pi ake 7:52

An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin.

1 Maad we 19:10

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

1 Maad we 18:4

Ye Isebel fee o tew no maad oxe a waraa duleer we no Yaal oxe, Abjaas a mucil’a duleer teemeed no duleer waaga, a fi a den a qaaj a ƭak no wiin qarɓeen ƥetik, a ɗasin a den kam luf a ƥil, a cooxaa a den ñaamel fo foofi.

Mace 21:35

Kaa koy, xooxoox waa a ndama dag waaga, a nqaw o leng oxe, a mboom o lakas oxe, o tadkandeer oxe da mbartin a kac.

Heseki’el 20:21

Kaa koy, xa taan axe a siiknoora fa mi. Ndeefee bargal es, ngayee too mbadnee kebil es ke o kiin oxe a warna o fadin ndax ta ñoowit na den. A maasanda pes a ñootnax ke mi. Xalaataam o sayan a den, fagiɗ fuux es tak took den kam a koƥ-a-ƥor ale.

A kim a tedu ke 50:17

too a soƥa jaɓiro um yarong, soo o deɓ ke um layaa?

Nehemi 9:30

Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

2 Caloori ke 36:16

Kaa koy, Ii-isra’el we kaa nqaadnooxoogu duleer we Roog, a nqeefaa fa lay um, a njalaa a den boo neen fuux ɗomu le no Yaal oxe a biltooxanu xeet um too mbaag’atiran o ndaɗ.

2 Maad we 21:11

«Feek Manaase fee o maad Yudaa a fi’a cednooxu keene, a fi kaa moƴna o faaxaƭar ke Aa-amori we a mbi’’ina yaaga fop soo a bakaadnoorit itam wiin we Yudaa pangool ke ten,

1 Maad we 18:13

O yaal es, ndax wetandooxaandee ke fi’uuma, ye Isebel a saŋkaa duleer we no Yaal oxe? Ɗasin’aam duleer teemeed na den kam luf a ƥil, fi a den a qaaj a ƭak no wiin qarɓeen ƥetik, cooxaa a den ñaamel fo foofi.

Haahate we 10:6

Ii-isra’el we a mbi’ahina kaa faaxeerna na kid no Yaal oxe: Kaa mbaɗooxoogu a Baaliin, Astarteyiin fo roog ke no Aa-araam we, ke no Siisidoŋ we, ke no Moomowaab we, ke no Aa-amon we fo ke no Fiifilista we. A mbaasa o Yaal oxe, a mbañatin o ndagoox.

Nehemi 9:29

Maƭooxaa a den, ndax da nomtooxiid no kebil of, ndaa den o mat, a magnandooxooga, a mbañ o ndeef kebil of. A ƭapa bargal ke wo o kiin oxe warna o fadin, ndax ta ñoow. Kaa nquun yaam nanaƭar, a saƭik a qoox, a mbañ o nan-giloox.

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

Yeremi 16:11

Maaga, fat o doon a den ee: ‹O Yaal oxe kaa tee: Ke taxuuna refu yee daan nuun kaa mbaasaam, a ngiɓoor fo roog lakas, a mbaɗooxaa a den soo a ngungaa mbaambir den. Mi o mat a mbaasaxam, too ngayee a cangin es.

Yeremi 32:23

A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.

Yeremi 42:19

Nuun yoqatin we Yudaa, o Yaal oxe layu a nuun ee ba nu ndet Misira! Andeenoo a paax, mexe woornan a nuun xaye!

A ƭomatax ake 3:42

«I mbakaada, nanaƭaran, too wo, waasanino a in!»

A cangatin ale 32:14

A ci’a a den fo neew ole no naak ke fo fo sis ole no paal ke fo le no pambe ke fa neebam fee no fo mbaal ne fa fee na suk paal ake fo xa siir axe Basan fo a suk pambe ke fo ke moƴna o faax na bele fee, soo da yeraa foofi le na xa biiñ axe, biiñ fee ñolna.

A cangatin ale 32:15

Xeet fee no Yaal oxe a naagata naluƈ soo a ñak o njek. Isra’el kaa giñat tem, a magin, a jegat cer soo a xaƴ a Roog fee o saasak um, a xeef ɓil le na muc ale ten.

2 Maad we 21:10

Maaga, o Yaal oxe a laya, a reefandin no duleer we dag um ee:

Yeremi 2:7

Ɓisiidaam a nuun no saax jaɓu taxar, ndax nu ñaam teen xa tim axe moƴna o mbel. Kaa koy, ye nu mbadiidna, nu nqoolaƭaranda saax es, o jeg es nu mbi’in sibdel.