Nehemi 9:25 - NQAARIIT NE ROOG

²⁵ A njaɓa teeru cegu saŋe fo lanq qaaɗu, a njang pind mayu muut fo paax ƥor, palka paqe, a ƭing taxar biiñ, taxar oliiw fo taxar tiirim pagkatar. A ñaama boo a ngiñ tem, soo a ñoowaa no mbel-fo-neq yaam o paaxel o maak ole wo.

Nehemi 9:25 Referans Kwoze

A cangatin ale 32:15

Xeet fee no Yaal oxe a naagata naluƈ soo a ñak o njek. Isra’el kaa giñat tem, a magin, a jegat cer soo a xaƴ a Roog fee o saasak um, a xeef ɓil le na muc ale ten.

Nehemi 9:35

Ke da ndeeƭna no maat den fop oo fo na baneex fa maak fee ci’’oona a den fo kam saax yaaju le naatna ɓoxot’oona a den, ndagooxirang too mbesee a pi a paaxeer ake den a cinj.

A cangatin ale 3:5

Teeru keene fop koy kaa njeg’u saŋe ciig, a njeg begax fo a kinglir, fogreerna fo teeru mayu cegee saŋe ke.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Heseki’el 20:6

A koom, daaɓooxaam fa den fo o ɓay es took ee xam sutit a den no saax laa Misira, ɓis a den no saax laa horooxan’uuma a den, saax laa fo sis fo suum a ndaxritaa, le moƴna o mos na saax ake fop.

1 Maad we 8:66

No ñaal ɓetuu ndadkandeer naa, o maad oxe a nomta xeet faa da nqaad no ƭiif den. A salana o maad oxe soo a nqaad no ƭiif den, a mbelakinoox, a qeeñ den a may muut fo o ɗaay no paax ke o Yaal oxe a fi’an’ina o tag um Dawid fa Isra’el fee xeet um.

A cangatin ale 32:13

A hame’noora a den xa coong axe no saax le, a ñaamnoor a den ke xa qol axe a mbatna. A ɓuusnoora a den suum ke no ɓil le fa diwliin faa hatna no ɓil saƭku koŋ le.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

Hoose 13:6

Kaa koy, ye nu mbadiidna na xa suufand xa quƥu sap axe, nu ñaama boo ngiñ, kaam ee nu ñaama boo ngiñ, xeeñ nuun a magnandoox soo nu mbeecaam.

Yeremi 31:14

Xam giñnoorit saasadax we cegel neeru, soo xeet es a ndeyƭoox no paax ke mi. Mi o Yaal oxe layun.»

Esayi 6:10

Ŋajnoori xeet feene, sux nof den soo mup a kid den, yaam ndik da nga’it a kid den, a nanit nof den, a andit a qeeñ den, soo a saktooxiid me mi, a mbodandel.»

A kim a tedu ke 65:11

Kaa o sooraa a cur ake ten, mokandaa a yilɓit ake ten, xuƥandan sap fo a teƥ ale soo barke’aa col ke.

Xa peƭit axe 30:9

yaam ndik um neq soo xañong, lay ee: «An refu o Yaal oxe?» mbaat kam ndool ne um guuɗ, ŋañnoor a Roog es.

Esayi 63:7

Kaam yegnitaa a pi yirmande ke no Yaal oxe, a tagas ake ten no paax ke ta fi’anna a in fop. Kaam yegnitaa o paaxel um no mbind Isra’el, paax ke ta fi’anna a den fop no mbeq um fo na yirmande um fa mbagkatar.

Dañel 11:24

Xan a rok kam fo mbiñ ne moƴna o nqaaɗ no jegel ole na waxtu faa foog’aandeena, a fi’aa maaga kaa paap um fo daan um a moseerna o mbi. Xan a jangal saax le, a lasrand njangal ne fo kalal ke we mbarna fo ten. Xan a yuuɓ sax o song saŋe ke, ndaa keene fop miñkee.

A cangatin ale 32:14

A ci’a a den fo neew ole no naak ke fo fo sis ole no paal ke fo le no pambe ke fa neebam fee no fo mbaal ne fa fee na suk paal ake fo xa siir axe Basan fo a suk pambe ke fo ke moƴna o faax na bele fee, soo da yeraa foofi le na xa biiñ axe, biiñ fee ñolna.

1 Maad we 14:9

No we adooxoonga fop, wo moƴu o faaxaƭar teen a pesoorooƭ. Kaa o ret fi’an a xoox of roog lakas fo nitaal celem cawe, ndax o fuuxnooraam. Kaa o naagaam fir deɓaam.

A kim a tedu ke 105:44

A cooxa a den lanq ke na saax ake, da muudoor jale no qeet lakas ke,

Yeremi 2:7

Ɓisiidaam a nuun no saax jaɓu taxar, ndax nu ñaam teen xa tim axe moƴna o mbel. Kaa koy, ye nu mbadiidna, nu nqoolaƭaranda saax es, o jeg es nu mbi’in sibdel.

Yeremi 32:23

A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.