Nehemi 9:23 - NQAARIIT NE ROOG

²³ Mayƭandaa xa taan den, da may boo nen xa qoor axe na asamaan. Roknaa a den kam saax le lay’oona daan den da njangkin.

Nehemi 9:23 Referans Kwoze

Mberaand 22:17

xam barke’ong, mayƭand xa taan of, da mayit nen xa qoor axe na asamaan fo nen pep lanq na ƥeeraamb o maag. Xa taan of na mbugko maadooxa took fañ den.

Mberaand 15:5

A ɓisaan tafil faa soo a layin ee: «Limi xa qoor axe, o waagangaa lim a den!» A ɓaata teen ee: «Neene mat xa taan of a mbodkaa!»

1 Caloori ke 27:23

Dawid lim’ee we njegna xa kiid qarɓeen ƭik a gar a lanq, yaam o Yaal oxe kaa lay’u yee xan a fi boo Ii-isra’el we a mayit nen xa qoor axe na asamaan.

Mberaand 26:3

Moofi no saax lene. Xam ref fa wo, too xam barke’ong, yaam cooxe kene fop, xam cooxong o ten, wo fo xa taan of, too xam gay a taaƥ ale fi’uuma fa Abraham fee faap of.

Mberaand 17:8

Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»

Mberaand 15:18

A koom o Yaal oxe a dalna ngiɓoor fa Abram ee: «Saax leeke, ci’aanum xa taan of no ke xotitna no xuluɓ olaa Misira boo no xuluɓ o maak olaa refna ref Ofrat,

Mberaand 12:7

O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna.

A cangatin ale 28:62

Ke nu mayitna nen xa qoor axe na asamaan fop oo, xan nu yoqat o ndik o njaakeer, yaam ne nu nanankeerna o ñuxur ole no Yaal oxe Roog nuun.

A sutax ale 1:7

Kaa koy, Ii-isra’el we a ndimatira, a mayat bo. A ƥaatooxa too a moƴa o njeg doole. Maaga, a suxa saax le fo wiin.

A sutax ale 1:12

Kaa koy, nuu da moƴ’ina o toroxandtaa a den, neene Ii-isra’el we o mat a moƴ’u o maytaa soo a saqtaa. Keene a tax’a Ii-isra’el we a saɗarel lool.