Nehemi 9:21 - NQAARIIT NE ROOG

²¹ Topatooxaa a den boo xa kiid qarɓeen nahik kam a koƥ-a-ƥor alaa, too ñakee tus. Ñirax den siɗooxee, too a caf den nqimiƈee.

Nehemi 9:21 Referans Kwoze

A cangatin ale 2:7

O Yaal oxe Roog nuun a barke’a a nuun no kuu nu mbi’na, a topatoox a nuun, ye nu nqaañiidaa a koƥ-a-ƥor a maak alene. Xa kiid qarɓeen nahik axey axaa ta refna fa nuun, too nu ñakee tus.›

A cangatin ale 8:4

Toki nuun ƈaxooxee, too a caf nuun mboloxee na xa kiid qarɓeen nahik axeene.

A kim a tedu ke 34:10

Saɗaryo o Yaal oxe, nuun tedu we ten, yaam we saɗaruuna ñakee dara.

A pi ake 13:18

A muñanooga a den boo xa kiid qarɓeen nahik na koƥ-a-ƥor alaa,

Amos 5:25

Nuun mbind Isra’el, ndax nu ƥoxot’axam sadax na xa kiid qarɓeen nahik axe nu ndeeƭna na koƥ-a-ƥor ale?

A cangatin ale 29:5

Nu ñaamee o mbuuru, too nu yeree biiñ mbaat a yer a qaaɗu lakas, ndaa koy o Yaal oxe a topatooxa a nuun, ndax nu and ee ten refu Roog nuun.

A cangatin ale 8:2

Fat nu mbetandooxaa a ƭat ale o Yaal oxe Roog nuun a xotnoorna a nuun fop kam a koƥ-a-ƥor ale na xa kiid qarɓeen nahik axeene. A doona a nuun coono mayu, ndax ta ɗeetloox a nuun boo a ga ke refna kam a qeeñ nuun, a and ndax nu mbuga ndeef kebil ke ten, ndax nam.

A sutax ale 16:35

Ii-isra’el we kaa ñaamoogu maan boo xa kiid qarɓeen nahik, boo neen a mbadiidu no ŋat olaa no saax laa Kanaan genoogeena.