Nehemi 9:2 - NQAARIIT NE ROOG

² We mbogna na xeet fee Isra’el a saytoor’a fo wiin jan we fop soo a mbaasnoox pakaad den fo tooñ ke no daan den.

Nehemi 9:2 Referans Kwoze

Nehemi 13:3

Ye Ii-isra’el we a nanna kebil neene, a suta a ndeer den xa kataakoon axe fop.

Esdaraas 10:11

Ndiiki koy, mbeejilyo tooñ nuun o Yaal oxe Roog fee no daan nuun soo mbadin o bug ole ten. Nqaajooryo fo qeet ke no saax lene fo rew jan we.»

Nehemi 13:30

Neene ɓogditum xeet fee no kuu hatna a ngenareem soo ñoowdandatin ke saasadax we fo Leelewi we a mbar’ina o ngay, oxuu refna no far um.

Dañel 9:20

«Maad’aam o xeɗaa, weejlaa pakaad es fo ke na Isra’el fee xeet es soo diisaa o Yaal oxe Roog es kaa farna no joong o tedu le ten.

Hoose 5:7

A ngoda o Yaal oxe, yaam kaa ndim xa ƥiy no qooleer. Ndiiki koy, o nqool o leng soom xan a dey, ndax da saŋkel fo o jeg den fop.

A kim a tedu ke 144:11

Muclaam soo suqtaam na xa ƥay no wiin jan weene o don den a laykeerna ndigil muk, da ndaaɓoortaa a ñamaak den na xa maaƥ.

Esdaraas 9:2

Kaa ngilgan a qoox den fo xa ƥiy xa koor axe den na xa ƥiy xa tew axe no qeet keene. Neene, xeet fa tedu fee a njaxasoora fo qeet lakas ke. Kelfa ke fo aa-adax we mat eetu o mbi ngore’aƭar neene.»

Esayi 2:6

O Yaal oxe, waasaa xeet of pelek. Kaam ee xaƴaa mbind Yakoob, yaam kaa may fo fo mbaax ne no batand, maɗag ee gañ teen nen saax le no Fiifilista we, soo a ndimaa fo we da mbogteerna xeet.

A kim a tedu ke 144:7

Letniti o ɓay of na asamaan, muclaam soo suudtaam no poofi cegu doole ke. Suqtaam na xa ƥay no wiin jan we

Nehemi 1:6

rungi nof of, wet a kid of, ndax o jaɓ a qeƭ no tag of! Mexey mbaambir of, ñaal fo o yeng, xeɗanaa Ii-isra’el we dag of, weejlaa tooñ ke i tooñoonga. Mi yoo ƥasil es oo i mbakaada.

Esdaraas 9:15

O Yaal oxe Roog fee Isra’el, kaa o jof, yaam xaye kaa i yoqat onqaa mucna. In wey mbaambir of, sufoox tooñ in, too o leng waagee o geenoor neene mbaambir of.»

1 Maad we 8:47

kam saax le da ƥiseena took o hup doole, a nomtiidangaa a yiif den, a saktooxiid me wo, a nqeɗooxong ee: ‹I mbakaada, tooñong soo mbi kaa faaxeerna›,

Esdaraas 6:21

Ii-isra’el we nomtoortiid’ina no mbaƭ naa a ñaama fo mbaal ne na Colandax ale, den fo fop we ngoƭatir’ina fo qoolaƭaru ke no qeet ke no saax le soo a mbokatooriid fa den, ndax da mbaaƭ o Yaal oxe Roog fee Isra’el.

Esdaraas 9:1

Yaa kaaga a faafna, kelfa ke a ngara me mi, a layaam ee: «Xeet fee Isra’el boo no saasadax we fo Leelewi we sax nqaajooree fo qeet lakas ke no saax le. Kaa laalaa a pi a cednooxu ke no Kaakanaan we, Heeheet we, Peeperisi we, Yeeyebus we, Aa-amon we, Moomowaab we, Miimisira we fo Aa-amori we.

Nehemi 10:28

Maluk, Harim fa Baana.

Xa peƭit axe 28:13

Oxe na ɗasnaa tooñ um xeniɗkee, oxe na weejlaa pakaad um koy, a fes a den a cinj, xan a waasanel.

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Yeremi 14:20

O Yaal oxe, i anddilooxa kañaan in, tooñ ke no daan in, yaam i mbakaada na wo.

Nehemi 10:29

Lakas we na xeet fee fop, saasadax we, Leelewi we, yeeyetax we na xa ton-maax axe no Mbind Roog ne, giigim we no Mbind Roog ne, diidimle we no Mbind Roog ne fo fop we nqaajoorna fo qeet can ke, ndax da ndeef kebil ke Roog den, den fo rew den, xa ƥiy den xa koor fo xa tew, fop we mbadna o and a ƭat,