Nehemi 9:19 - NQAARIIT NE ROOG

¹⁹ Wo o mat, kam yirmande fa maak fee wo, waasiro a den kam a koƥ-a-ƥor alaa. Eel fo suun le riƈatooxee a den no ñaal ne, ndax ta ɗox a den na ƭat ale, ne’atiim aal fiɗel le no yeng ole, ndax ta xoolandan a den a ƭat den.

Nehemi 9:19 Referans Kwoze

A kim a tedu ke 106:45

A wetandooxa ngiɓoor um fa den, ndax ta jiriiñ a den, too a yirma a den no mbeq o maak um.

Nehemi 9:27

Maaga, ɓoxotaa a den na xa ƥay no fañ den, da toroxandaa a den. Kam naqad den, a ƈufginooxaang, soo o fod na asamaan, nanaa a den. Kam yirmande fa maak fee wo, lultiidaa a den waawat, soo da mbat a den na xa ƥay no fañ den.

Malaki 3:6

Mi o Yaal oxe, suptooxkiim muk, too nuun we xa taan Yakoob, nu suptooxee.

Nehemi 9:12

No ñaal ne, ɗoxtaa xeet of eel fo suun, soo no yeng ole, aal fiɗel laa na xoolandanaa a den a ƭat ale da ndeefna.

Dañel 9:18

Roog es, rungi nof of, nan-giloox! Kaam ee weti a kid of too ɗeet njom ne in fo ne teeru fee jegoodoona a gefteena! Refee yee o ngooloox a pi a cofu in taxu i nqeɗooxang, ndaa yirmande fa maak of soom taxun.

Dañel 9:9

Kaa koy, wo o Yaal oxe Roog in, kam yirmande of kaa o waasanaa in, ke i siiknoorna fa wo fop oo.

A lim ale 14:14

A layaan we ngenna no saax lene, too den oo a anda yee wo o Yaal oxe, woxey a ndeer xeet of. A anda itam ee kaa o feeñooxaa a den jaxrañ, yooroox a den fo eel of, ñaaƴaa mbaambir den no ñaal ne kam eel le, soo no yeng ole kam aal fiɗel le.

Heseki’el 20:22

Yaqanee koy, damaam o ɓay es, fañin o fi yaam gon es, ndik ta maasandel na kid no qeet ke maad’ina ye um sutaa a den Misira.

Heseki’el 20:14

Yaqanee koy, fi’inum yaam gon es, ndik ta maasandel na kid no qeet ke maad’ina ye um sutaa a den no saax le Misira.

A ƭomatax ake 3:22

O paaxel no Yaal oxe kaa maadaa boo ndiik, too yirmande um fagee.

Esayi 44:21

«Wo Yakoob, wetandooxi a paax kene, wo Isra’el fee o tag es, ba o weec ee kaam sakong, ndax o jalanaxam. Wo Isra’el, weeciroong muk.

Nehemi 9:31

Kaa koy, kam yirmande fa maak fee wo, moocandiro a den too waasiro a den, yaam Roog fa yaaju kam refo too may yirmande.

A sutax ale 40:38

A ñaal’angaa, o Yaal oxe a feeñlooga a tef um fo Ii-isra’el we no eel le muuroogna Ngenand ne, soo a yengangaa, ta fi aal laa na kaƥaa. Kaaga koy, mos’ee o timis na ñaaƈ ale den.

1 Sami’el 12:22

O Yaal oxe xaƴkee a nuun yaam gon maak le ten fo ne ta heboox’ina yaaga o fi a nuun xeet um, ten fa xoox um.

A sutax ale 40:36

A mbanuu eel le a yoɗoox’ina no Ngenand ne, a jof took, Ii-isra’el we a suurooga na ñaaƈ den.

A cangatin ale 8:2

Fat nu mbetandooxaa a ƭat ale o Yaal oxe Roog nuun a xotnoorna a nuun fop kam a koƥ-a-ƥor ale na xa kiid qarɓeen nahik axeene. A doona a nuun coono mayu, ndax ta ɗeetloox a nuun boo a ga ke refna kam a qeeñ nuun, a and ndax nu mbuga ndeef kebil ke ten, ndax nam.

A kim a tedu ke 136:16

ten oxe ɗoxna xeet um kam a koƥ-a-ƥor ale, yaam o mbeq um xan a maadaa boo faw,

Heseki’el 20:17

Kaa koy, ye ga’uuma a den, yirmaam a den lool no saŋik a den, too moocandiim a den kam a koƥ-a-ƥor ale.»