Nehemi 9:17 - NQAARIIT NE ROOG

¹⁷ a mbañ o nananong, a mbeecit comlaand ke fi’anoona a den. Kaa saƭik a qoox soo kam siiknoor den, da njilan a qoox den o aa-adax, ndax da nomtoox no mbaƭ naa den. Wo o mat, Roog faa na waasantaa refo, faa yaajna kam too may yirmande, faa na muñantaa too may fo o mbeq. Waasiro a den,

Nehemi 9:17 Referans Kwoze

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

Yowel 2:13

Ba nu mbaar toki nuun, ndaa mbaaryo a qeeñ nuun soo nomtooxiid no Yaal oxe Roog nuun, yaam kaa yirmaa, a laabiir, a muñantaa, a may fo o paaxel too kaa ricooxaa taamaala ke ta heblitiidna.

A kim a tedu ke 86:15

Wo o Yaal oxe o mat, Roog fa mayu yirmande refo, yaaj kam, muñantaa, may fo o mbeq fo ngor.

O leetar ole Pool a bindna GIMU WE NGENNA ROM 9:15

Yaam Roog a lay’a a Moyiis ee: «Xam yirim oxe buguuma o yirim, muñan oxe buguuma o muñan.»

A kim a tedu ke 78:38

Ten oxe mayna yirmande o mat a waasantooga tooñ den, a fañat o saŋik a den. A yooɓ’a o ɓoosdandaa fuux um soo a riimin fuux ɗomu le ten,

1 Maad we 6:13

Xam gen a ndeer Ii-isra’el we too xaƴkiim a Isra’el fee xeet es muk.»

A kim a tedu ke 106:7

Ye daan in a ndeeƭna Misira, comlaand ke no Yaal oxe ngaal’ee a den, da mbeecit o mbeq um o njegee hap. A siiknoora fo ten paam a Kal alaa no xeet laa,

A kim a tedu ke 78:11

Kaa mbeecit’u a pi a maak ake ten, comlaand ke ta fi’an’ina a den.

1 Maad we 8:57

Yaasam boog o Yaal oxe Roog in a ref fa in, ne ta refit’ina fo daan in! Ngela ba o fod a in too ba o waas a in,

A kim a tedu ke 106:13

Kaa koy, a mbeeca no ñofu ke ta fi’’ina too cungee ta fadin yuuƥ um.

A kim a tedu ke 130:4

Kaa koy, a baasan ale oxey fa wo, ndax o saɗarel.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

A pi ake 7:39

Kaa koy, daan we in a mbaña o nanan a Moyiis, a ngodin, too a mbug’a o nomtoox Misira.

Xa peƭit axe 1:24

Kaa koy, kaam xoy a nuun, nu nqox, um letin xa ƥay es, ndaa fidee o leng na nuun.

A lim ale 16:14

A woora yee ɓisiro a in no saax laa fo sis fo suum a ndaxritaa, lasiro a in xa qol fo a ƭing taxar biiñ, i njegkin. Ndax kaa o foog ee fuul o laytaa? I ngarkee de!»

A lim ale 14:41

Moyiis a laya a den ee: «Xar taxu nu nanaƭar ke o Yaal oxe a heblitna? Keene faaxkee na nuun.

A lim ale 14:11

O Yaal oxe a laya a Moyiis ee: «Xeet fene kaa ngapko sibaxam boo a mban, a mbañ o ngim na mi, ke fi’uuma xa anddiloor a ndeer den fop oo?

Nehemi 9:31

Kaa koy, kam yirmande fa maak fee wo, moocandiro a den too waasiro a den, yaam Roog fa yaaju kam refo too may yirmande.

Yeremi 19:15

«Keeke o Yaal oxe Roog fee Isra’el Hupna fop a layu: ‹Xam atiid took teeru fene fo took teeru ke ta waxooxna fop taamaala ke regdinooxanuuma fop, yaam we ngenna teen kaa saƭik a qoox, a mbañ o nan-giloox fa lay es.› »

Heseki’el 5:6

Kaa nanaƭaran kebil es fo kañaan naa hupna ne no qeet lakas ke, a ɗap bargal es kupu a saax ake mbiduuna, yaam we ngenna teen kaa nqeef kebil es too ndeefee bargal es.

Dañel 9:9

Kaa koy, wo o Yaal oxe Roog in, kam yirmande of kaa o waasanaa in, ke i siiknoorna fa wo fop oo.

Nahum 1:3

O Yaal oxe kaa muñantaa, doole um a magin, ndaa ñakkee o xaw oxe tooñna. O Yaal oxe kaa ñaaƴaa kam a saaqul ale, a ƭat um a ref kam a und ale, a eel ake a ndef fo ut ole a caf um a yetnaa.

A sutax ale 32:9

O Yaal oxe a layahina a Moyiis ee: «Ga’aam ee xeet feeke wiin saƭku a qoox a ndefu.

A paɗax ale 26:44

Yaag oo toox de, deɓkiim a den, yaa da laqooxkaa no saax le no fañ den. Feskiim a den a cinj, mbaskiraam, warkiim a den too ɗegkiim ngiɓoor es fa den, yaam mi refu o Yaal oxe Roog den.

1 Sami’el 12:22

O Yaal oxe xaƴkee a nuun yaam gon maak le ten fo ne ta heboox’ina yaaga o fi a nuun xeet um, ten fa xoox um.

2 Caloori ke 36:13

A siiknoora sax fo o maad Nebukadnesaar fee daaɓooxnoor’uuna na Roog. A jikooxa o saƭik xoox, a ŋaj, a fañ o nomtooxiid no Yaal oxe Roog fee Isra’el.

Esdaraas 9:9

Faɗ i ndefu, ndaa kam mbaƭ ne in Roog in waasee a in. A fi’a boo maad we Persi a lal a in o paaxel, a nqaƴ a in i ñoowatin. A ci’a a in i maxatin Mbind ne Roog in, yoɗatin kefatin ke ten, soo a ci a in o laqooxand o wooru kam Yudaa fa Yeerusaleem.

A kim a tedu ke 78:10

Ngay’ee ngiɓoor ne Roog soo a mbañ o ndeef kebil um.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.