15 Fudnantiidaa a den mbuuru na asamaan, ye da nqeexeena, balnanit a den foofi no ɓil le, ye da ngoɗomeena. Heblaa a den da njaɓik saax le daaɓoox’oona o coox a den.
Keene refu saax le ci’uuma a nuun. Ndetyo njang saax le reg’uuma a Abraham fa Isaak fa Yakoob, mi o Yaal oxe, daaɓoox o ci’in a den, da njegkin, den fo xa taan den.› »
Xam geenoox maaga mbaambir of took ɓil no joong olaa Horeb. Fat o xaw ɓil le, too xan foofi laa xeet fee a mbaagna o yer, a balit teen.» Moyiis a fi’a naaga na kid no maak weene.
O Yaal oxe a laya a Moyiis ee: «Xam deɓaniid a nuun mbuuru, ta hatiid na asamaan. Fat xeet fee a sutoox, a ngurdaa ñaal oo ñaal ke da soxla’kaa. Neene, xam ɗeetloox a den boo ga, ndax xan a ndeef kebil es, ndax nam.
Kam a koƥ-a-ƥor ale, mi o mat daaɓoox’u fa den fo o ɓay es took ee ɗoxkiim a den no saax le ci’uuma a den, saax laa fo sis fo suum a ndaxritaa, le moƴna o mos na saax ake fop,
A cinj coono keene fo a cinj ye ta ñaatlanditna a nuun nqeex, a ci’a a nuun maan fee, ta ref ñaamel kaa nu and’eerna, daan nuun and’iran. Neene, a lala a nuun ee o kiin ñoowitkee ngaaf soom, ndaa fo fa lay fuu sutoorna no don no Yaal oxe.
Nga’angyo! O Yaal oxe Roog nuun xan a ci a nuun saax lene. Ndetyo njangin, ne o Yaal oxe Roog fee no daan nuun a laytuuna a nuun. Ba nu ndiid too ba nu saɗar.›
Xeet fee a nqonooga fo a koɗom, a nqasanaa a Moyiis, a layaa yee: «Xar taxu o sut a in Misira, bug o war a in fo a koɗom mene, in fo xa ƥiy in fo xa siir in?»
A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.