Nehemi 9:10 - NQAARIIT NE ROOG

¹⁰ Xawtaa a Firawon fee xa anddiloor fo com’andtu, ten fo dag um fop fa xeet fee no saax um fop, yaam andaa yee a mbesoora fo daan in naa ɗomna. Neene, gon of a joota, ne ta refitna boo xaye.

Nehemi 9:10 Referans Kwoze

Dañel 9:15

Ndiiki koy, wo o Yaal oxe Roog in, wo fee sutitna xeet of no saax laa Misira fo o ɓay o mayu katil ole wo boo a tax gon of a layteel boo xaye, i mbakaada, tooñong.

Yeremi 32:20

Kaa o fi’oogu xa anddiloor fo comlaand, ye daan in a ndefaa kam saax le Misira soo maad o fi’aa a den boo xaye kam Isra’el fo no pindeef ke fop. Fi’anaa a xoox of gon jegu o ndam le refna boo xaye.

Esayi 63:14

Nen o siir olaa na jagnaa na yulanq, neene Yiif le no Yaal oxe a ɗoxtoogu a den na ñootnax ale. Neene deŋ ɗoxtoogo xeet of, wo o Yaal oxe, ndax gon of a ɓoxotel o ndam.

Esayi 63:12

Na ñamaak Moyiis, o Yaal oxe a letna o ɓay o jegu katil ole ten, a xaaj poofi mbaambir den, ndax ta jeg o ndam o ñufkeer.

A cangatin ale 4:34

Ndax a jega a roog fa lakas faa mosna o jeem o suqit a xeet fa leng a ndeer xeet fa lakas, ne o Yaal oxe Roog nuun a fi’antuuna a nuun? Nu nga’ooda ne o Yaal oxe a sutitna a nuun Misira fo o ɓay um o jegu doole fo a naax um ale letnooxna na pexey a pi a saɗarnooxu kene: ƭeetlax fo xa anddiloor fo comlaand fa xire.

A sutax ale 18:11

Ndiiki koy, andataam ee o Yaal oxe moƴu magin roog ke fop, yaam o ɓay um a dala took Miimisira we ye da toroxandaa Ii-isra’el we.»

A sutax ale 5:2

Firawon fee a doona a den ee: «An refu o Yaal oxe boo um war o nanan o ñuxur um, xaƴaa xeet fee Isra’el da ndet? Andiim o Yaal oxe too xaƴkiim a den da ndet.»

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

O leetar ole Pool a bindna GIMU WE NGENNA ROM 9:17

Keeke Roog a lay’u a Firawon fee o maad Misira kam a Pind a Tedu ke: «Dodaaxoong o ref o maad Misira, ndax um laltit na wo katil es, soo gon es a yegnitel kam adna fee fop.»

A pi ake 7:36

Ten o mat sutu a den no saax laa Misira, a cinj ye ta fi’na comlaand fo xa anddiloor kam saax leene. Neene itam a fi’it’un kam o Maag o yeeq olaa fo na koƥ-a-ƥor alaa boo xa kiid qarɓeen nahik.

Dañel 5:23

Kaa o inooxan o Yaal oxe refna na asamaan boo simit o ɓisaniidel a tokol a tedu ke inoorna no Mbind um, nu yertaa a den biiñ, wo fo wiin maak we wo fo rew we wo fo keƈ-a-salma ke wo, doon teen simataa roog ke mbi’teena xaaliis, wurus, xanjar, njelem, a teex fo a ƥil, roog puulu keene naangeerna o nanaa too andee tus, soo fañ o ɓoxot o ndam a Roog fee saqna o ñis of, a gayaa a pi of fop.

Heseki’el 20:9

Yaqanee koy, fi’inum yaam gon es, ndik ta maasandel na kid no qeet ke da ndeeƭna a ndeer den, ye andnooxuuma a den, ndax um sut a den no saax le Misira.

A kim a tedu ke 83:18

Fat da sedlandel, a ndiidlandel boo cay, a saŋkoor seeƈaar.

A sutax ale 7:1

O Yaal oxe a doona a Moyiis ee: «Xam fi o jeg sañ-sañ fa inooru na Roog mbaambir Firawon fee, soo Aaroon fee o maag of a ref o coojo’it of.

A sutax ale 3:20

Xam fi podu naa na doole es, too xam xawit a Misira comlaand ke um fi’kaa a ndeer den. Cinj kaaga, xan a xaƴ a nuun nu ndet.

A sutax ale 9:16

ndaa kaam xaƴong o laaw of a fiɗaa, ndax o ga katil es, gon es a yegnitel kam adna fee fop.

Nehemi 9:16

Daan in o mat, kaa magnandoox’u, a saƭik a qoox. Nan-gilooxee kebil of,

Nehemi 9:29

Maƭooxaa a den, ndax da nomtooxiid no kebil of, ndaa den o mat, a magnandooxooga, a mbañ o ndeef kebil of. A ƭapa bargal ke wo o kiin oxe warna o fadin, ndax ta ñoow. Kaa nquun yaam nanaƭar, a saƭik a qoox, a mbañ o nan-giloox.

A cangatin ale 7:19

Nu nga’ooda coono ƭomu ke fo xa anddiloor axe fo comlaand ke o Yaal oxe Roog nuun a doonna a den, ye ta sutitna a nuun Misira fo o ɓay o jegu doole le ten fo a naax ale ten letnooxna. Neene deŋ o Yaal oxe Roog nuun a fi’kaa qeet ke nu saɗaraa.

Esayi 42:20

Ga’aa tig mayu, ndaa damiro teen dara. Nof of a mbetooxa, ndaa naniro tus.