Nehemi 9:1 - NQAARIIT NE ROOG

¹ No ñaal qarɓeen ƭik fo ñaal nahkandeer ne no nqool o leng kut onqe, Ii-isra’el we a mbokatoora, a nderoox xa saaku, a yipoox lanq, ndax da ngoor.

Nehemi 9:1 Referans Kwoze

Nehemi 8:2

Esdaraas fee o saasadax a ɓisiida kebil ke mbaambir mbokatax ne ndeeƭna goor fo rew fo fop we andna ke da nanoogna. Keene oxe reeƭa no ñaal eetaand ne no nqool o ɓetuu ƭikandeer onqe.

Esdaraas 8:23

Ten taxu i ngoor soo ƈufginoox a Roog in, too a jaɓa a qeƭ ale in.

Yosuwe 7:6

Yosuwe a faara toki um, a gung a lanq mbaambir arka ne no Yaal oxe, a yipoox fo ut no xoox soo a yoq naaga boo no kirand naa. Maak we Isra’el itam a mbi’a leng kut ke.

1 Sami’el 4:12

No ñaal leng kut ne, o koor oxaa fogna na carind ale Bensame a ƴuftiida na ñoq alaaga, a gar Silo. Kaa faar’u toki um fop, a yipoox fo ut took xoox um, yaam a naqadiloox.

Esayi 22:12

A koom, o Yaal oxe na refkaa boo faw Hupna fop kaa sim’u a nuun nu lool, ƭomatoox, nduusoox soo nderoox xa saaku,

Ke bindeena no xe ne’eena YOB 2:12

A ƈooktaan koƭu, ndaa andid’iran. Ye da mbadiidna boo a nga ee ten oo, a ndalfooxa o mbaɗoox, a mbaar toki den soo a isdaa lanq ke took, ta yipooxaa na qoox den.

Esteer 4:16

«Reti o fokat Yaawuur we ndefna kam Suusaan fop, nu ngoor yaam o sagu es. Ba nu ñaam too ba nu yer boo ñaal tadik fo xa yeng den. Mi fo jeefeer we mi xan i ngoor soo um sogkaa o ret maa no maad oxe, ke bargal ke a ci’teeruuna fop oo. Um naagangaa xonkaa rek, um xon.»

Esteer 4:3

No jegel oluu yegnit ne no kebil ne no maad oxe a fad’ina rek, ta jeg naqadilax maak a ndeer no Yaawuur we. Kaa ngooroogu, a loolaa soo a ƭomatooxaa. Mayu na den a mbondooxooga took xa saaku xaa ƭaapeena no ndaw.

2 Caloori ke 20:3

Diid maak a dama a Yosafat soo ta heboox o waaƭ o Yaal oxe. A yegnita koor kam xeet fee no maat ne Yudaa fop.

2 Caloori ke 7:10

No ñaal qarɓeen ƭik fo ndadkandeer ne no nqool ɓetuu ƭikandeer onqe, Salomo a nomta xeet faa da nqaad no ƭiif den. Kaa mbelakinooxoogu, a qeeñ den a may fo o ɗaay no paax ke o Yaal oxe a fi’an’ina a Dawid fa Salomo fa Isra’el fee xeet um.

2 Sami’el 1:2

No ñaal ndadkandeer naa, o koor a inoortiida no saŋe naa Sawul, toki um a mbaaroox, xoox um a yipoox lanq. Ye ta fadiidna me Dawid, a naaga giriƥriƥ, a gung.

Haahate we 20:26

Xeet fee Isra’el fop a ndeta Betel, a loolik soo a moof maaga mbaambir no Yaal oxe. A ngoora no ñaal naaga boo no kirand naa, a ƥoxot sadax toxel fo sadax camsa’oor mbaambir no Yaal oxe.

A paɗax ale 23:39

No ñaal xarɓaxay fo ñaal ƥetkandeer ne no nqool o ɓetuu ƭikandeer onqe, a cinj yaa nu saxadna duufe nuun boo ƈut, fat nu ndoofandanaam xew, mi o Yaal oxe boo ñaal ɓetuu ƭik. Ñaal eetaand ne fo ñaal ɓetuu ndadkandeer ne xan a ndef pes kaa nu ñootnooxkaa.

A paɗax ale 23:34

ta yegin Ii-isra’el we kene: «No ke xotitna no ñaal xarɓaxay fo ñaal ƥetkandeer ne no nqool o ɓetuu ƭikandeer onqeene, fat nu ndoofandanaxam, mi o Yaal oxe, Xew fee no ƭiif ke boo ñaal ɓetuu ƭik.

Mbeeñil 11:3

Xam luliid seede ɗik we mi da njo’tanaxam, a ñaawoor xa saaku boo ñaal juni fo ñaal teemeed ƭik fo ñaal qarɓeen ɓetuu fa leng.»

1 Sami’el 7:6

A mbokatoora Mispa, a ƈeew foofi, a ƥaxin mbaambir no Yaal oxe soo a ngoor ñaal naaga fop. Maaga a laytu yee: «I tooña o Yaal oxe!» Maaga Sami’el a hate’toogu itam we ndaawroogna na xeet fee.

Esdaraas 8:21

Maaga, paam o xuluɓ olaa Ahawa heblitaam koor, ndax i neewandoox mbaambir Roog in, nqeɗin ta ci a in, in fo xa ƥiy in fo o jeg in fop, a ñaaƈ a pelu.

Yowel 2:12

O Yaal oxe kaa tee: «Nomtooxiidyo me mi na qeeñ nuun fop, yaam a waagooxa boo fa ndiik. Ngooryo, lool soo ƭomatoox.»