Nehemi 8:9 - NQAARIIT NE ROOG

⁹ Xeet fee fop kaa looloogu, ye da nanna fa lay fee no kebil ke. Maaga, Nehemi fee gofornoor, Esdaraas fee o saasadax, too a ref itam o caajangin oxaa andna kebil ke fo Leelewi we njangnoogna xeet fee a laya a den fop ee: «Bes fene kaa kesanel o Yaal oxe Roog nuun! Ba nu naqadiloox too ba nu lool!»

Nehemi 8:9 Referans Kwoze

Nehemi 7:70

Yaal ƥasil ke a ci’ta na kamba le no maq ne xa monjong cuni qarɓeen ƭik wurus fo ngap parig xarɓaxay fo parig ƭik xaaliis fa nqoolu.

Nehemi 7:65

too gofornoor fee a hebla a den ee baa ñaam sadax tedu tigi ke, boo yaa o saasadax a laamitkaa a Roog no kaa farna na den na pexey Urim fee fa Tumim fee.

A cangatin ale 12:12

Fat nu mbelakinoox mbaambir no Yaal oxe Roog nuun, nuun fo xa ƥiy nuun xa koor fo xa tew, surga nuun fo jeefeer nuun, fo itam Leelewi we ndefna a ndeer nuun, andoona yee njegee a las, ne’atiim lam nen a nuun.

Nehemi 8:2

Esdaraas fee o saasadax a ɓisiida kebil ke mbaambir mbokatax ne ndeeƭna goor fo rew fo fop we andna ke da nanoogna. Keene oxe reeƭa no ñaal eetaand ne no nqool o ɓetuu ƭikandeer onqe.

A cangatin ale 16:11

soo mbelakinoox mbaambir no Yaal oxe Roog nuun no mbiñ onqe ta jilkaa ndax gon um a ƴufginooreel teen, nuun fo xa ƥiy nuun xa koor fo xa tew fo surga nuun fo jeefeer nuun fo Leelewi we ndefna no teeru ke nuun fo itam xa kataakoon axe fo xa baan axe fo ñaaw we na ndefkaa a ndeer nuun.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

O baawaare xe 3:4

hap o lool fo hap o jaloox, hap o ɗomatoox fo hap o fecoox,

Esdaraas 2:63

too gofornoor fee a hebla a den ee baa ñaam sadax tedu tigi ke boo yaa o saasadax a laamitkaa a Roog no kaa farna na den na pexey Urim fee fa Tumim fee.

A cangatin ale 12:7

Meene itam nu mbugko ñaamtaa a den mbaambir no Yaal oxe Roog nuun, soo mbelakinooxaa, nuun fo ƥasil nuun, no ke nu njalna fop, too o Yaal oxe Roog nuun a barke’tin a nuun.

A paɗax ale 23:24

ta yegin Ii-isra’el we kene: «No ñaal eetaand ne no nqool o ɓetuu ƭikandeer onqe, fat nu njeg bes faa nu ñootnooxkaa, bes fa mbetandoor faa nu mbugko luuƥaa fo o xet o tedu.

O leetar ole Pool a bindna GIMU WE NGENNA ROM 7:9

Yaaga andafuliim kebil ne, kaam ñoowoogu, ndaa ye kebil ne a fadiidna koy, bakaad fee a ñoowa na mi,

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

Malaki 2:13

Keeke refahinu ke nu mbi’aa: Nuun taxu boo o sadaxand ole no Yaal oxe a may muut fo xa kooniit fo xa lool fo xa iin. Ten taxu yoo ta xuun sadax ke nuun too jaɓkatee dara no ke nu ƥoxotan.»

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Nehemi 12:26

Weene njopir’u fa jamaane Yoyakim fee o ƥiy Yesuwa too a ref o ndaan Yosadak fa jamaane Nehemi fee gofornoor fa Esdaraas o saasadax too a ref itam o caajangin oxaa andna kebil ke.

Nehemi 10:1

Yaam fop ke dalna a in, in we ngebooxaa, mbindan soo kelfa ke in, Leelewi we fo saasadax we in a mbegtin a kon den.

Esdaraas 7:11

Keeke refu yiƥadax ne no leetar ole o maad Artaserkesees a cooxna a Esdaraas fee o saasadax, too a ref itam o caajangin oxaa na aqatinaa ke o Yaal oxe a heblitna fo ke ta dalnanna a Isra’el:

2 Caloori ke 35:3

A laya Leelewi we na njangnaa Ii-isra’el we too a kesanel o Yaal oxe yee: «Ƥekyo arka tedu ne kam mbind ne Salomo fee o ƥiy Dawid fee o maad Isra’el a maxna, nu ngadooxkatiran. Ndiiki koy, ndagooxyo o Yaal oxe Roog nuun fa Isra’el fee xeet um.

2 Caloori ke 34:21

«Ndetyo laamtankaam o Yaal oxe, mi fo yoqatin we Isra’el fo we Yudaa no kaa farna no ke layeena no safe lene sogna o ga’eel, yaam fuux le no Yaal oxe a yena took in. Daan in ngayee fa lay fee no Yaal oxe too ndeefee fop ke bindeena no safe lene.»

2 Caloori ke 34:19

Ye o maad oxe a nanna fa lay feene no kebil ke, a faara toki um.

2 Caloori ke 30:22

Hiskiya a saƭakina Leelewi we fop nqaƴ’ina a yiif den no Yaal oxe. A ñaamooga cegel ke boo ñaal ɓetuu ƭik, a ƥoxotaa sadax camsa’oor soo a simataa o Yaal oxe Roog fee no daan den.

2 Caloori ke 15:3

Ii-isra’el we o mat a ñoowa miñu no kaa da ndeefeerna a Roog fa ndigil fee, saasadax waa na njangnaa a den nga’aand too ngayee kebil ke.

2 Maad we 22:19

boo ta duq xeeñ of. Neewandooxaa mbaambir o Yaal oxe, ye nanoona ke fosooxan’uuma o mbiñ onqene fo we ngenna teen. Faaraa toki of, lool ciic mbaambir es, ye nanoona yee o mbiñ onqene xan a refat juum kefatin, we ngenna teen a ndefat saloor. Ten taxu mi o Yaal oxe, mexe yegnang ee nanaaxoong.

2 Maad we 22:11

Ye o maad oxe a nanna fa lay fee no safe le no kebil ke, a faara toki um.

A cangatin ale 26:14

I ñaamee dara no keene yaa fo ñaawax too i mbatnee teen dara, a soƥ i nqoolaƭar, too i cooxtee teen dara nen sadax faa na ɓoxoteel o qon. Wo o Yaal oxe Roog in, kaa i nanan kañ o ñuxur of, mbesoor deŋ ne heblitanoona a in.

Saak 4:9

Naqadilooxyo yaam pakaad nuun. Ñaawooxyo too lool. Ba nu njalat ndaa loolyo. Ba nu mbelakinooxat ndaa naqadilooxyo.