Nehemi 8:8 - NQAARIIT NE ROOG

⁸ Kaa njangoogu kam safe le no kebil ke Roog, a njaqtirandan xa ƭeg xa ƭeg soo a nqooldandan, ndax oxuu refna a waag o and ke da njangna.

Nehemi 8:8 Referans Kwoze

A pi ake 28:23

A ndama bes, too yaa bes faaga a fadna, mayu a soƥiida a Pool me ta dal’ina. No kaa xotitna no nqes naa boo no yaar olaa, Pool a yegnooga a den Maat ne Roog, soo a jeemaa o gimnoor a den no kaa farna na Yeesu, ye ta tektaa a den ke bindeena kam kebil ke Moyiis fo kam a safe ke no duleer we.

YEGIL MBAAX NE YEESU ne Lik a bindtuuna 24:45

Maaga, Yeesu a wetana a den a yiif den, ndax da and a Pind a Tedu ke.

YEGIL MBAAX NE YEESU ne Lik a bindtuuna 24:32

Cinj kaaga, a layrooga a ndeer den ee: «Ndax xeeñ in ɓut’ee, ye ta layaa fa in na ƭat ale, soo a tektaa a in a Pind a Tedu ke?»

YEGIL MBAAX NE YEESU ne Lik a bindtuuna 24:27

Maaga, Yeesu a tektana a den ke lay’eena no kaa farna no ten kam a Pind a Tedu ke fop, a eetit na safe ke Moyiis boo a suur na safe ke no duleer we fop.

Habakuk 2:2

O Yaal oxe a doonaxam ee: «Bindi mbeeñil nene, sexin took a alfa ƥil, ndax ta yooɓel o jang.

Esdaraas 4:18

O leetar ole nu lultiidna a in a jange deŋ mbaambir es.

Nehemi 8:7

Ye xeet fee a inooxatinna, Yesuwa, Bani, Serebiya, Yamin, Akub, Sabetay, Hodiya, Maseya, Kelita, Asariya, Yosabad, Hanan fa Pelaya, we Leelewi, a tektooga a den kebil ke.

Nehemi 8:9

Xeet fee fop kaa looloogu, ye da nanna fa lay fee no kebil ke. Maaga, Nehemi fee gofornoor, Esdaraas fee o saasadax, too a ref itam o caajangin oxaa andna kebil ke fo Leelewi we njangnoogna xeet fee a laya a den fop ee: «Bes fene kaa kesanel o Yaal oxe Roog nuun! Ba nu naqadiloox too ba nu lool!»

Nehemi 8:12

Maaga, xeet fee fop a ndeta, ndax da ñaam, a yer, a naqan we njeg’eerna dara soo a mbelakinoox a paax, yaam a and’ata ke da lay’eena.

2 Maad we 23:2

Cinj kaaga, o maad oxe a reta no Mbind ne no Yaal oxe, a yoon fo we ngenna Yeerusaleem fop fo goor we no ke yoqna na Yudaa fop fo saasadax we fo duleer we, xeet fee fop daal, a xotit no fo mboƭomsogor ne boo no wiin maak we. A jangana a den fop ke layeena no safe le no ngiɓoor ne da soƥ’ina kam Mbind ne no Yaal oxe.

Nehemi 9:3

A ngeenooxa, a njanganeel no safe le no kebil ke no Yaal oxe Roog den boo baxtu tadik. Cinj kaaga, a mbaasnooxooga pakaad den boo baxtu tadik lakas kaa da ngungna mbaambir no Yaal oxe Roog den.

Heseki’el 46:10

O kelwaar oxe xan a rokandoor soo a sutooxandoor fa xeet fee.»