Nehemi 8:6 - NQAARIIT NE ROOG

⁶ Esdaraas a gidma o Yaal oxe Roog fa maak fee, soo xeet fee fop a yoɗ xa ƥay, a ndoon ee: «Amiini! Yaasam ta jegit neene!» Cinj kaaga, a ƈuuga, a ngung a lanq mbaambir no Yaal oxe, ndax da mbaɗooxin.

Nehemi 8:6 Referans Kwoze

1 Timote 2:8

Yaaga boog, kaam bug boo goor we a nqeɗaa muu da ndefna ndef, da ndekaa xa ƥay xa qoolu, too a mbaas fuux fo a qalaat a paaxeer.

A ƭomatax ake 3:41

Fat i yoɗ a qeeñ in fo xa ƥay in farna fa asamaan, maa Roog, lay ee:

A sutax ale 4:31

Maaga, a ngima. Ye Ii-isra’el we a andna yee o Yaal oxe a ɗeetiida a den, a ga coono den, a ngooknooxa soo a ngung a lanq.

2 Caloori ke 20:18

Yosafat a dalfooxa o gung a lanq. We ngenna Yeerusaleem fo Yuuyudaa lakas we fop a ngung itam mbaambir no Yaal oxe, a mbaɗooxin.

Mbeeñil 7:11

Malaaka ke fop kaa ngeenoox’u, a mbid o kurul-keƥ gamb no maad le fo maak we fo pindel nahik ke fop. Kaa ngungoogu mbaambir gamb no maad le, soo a mbaɗooxaa a Roog.

A kim a tedu ke 134:2

Yoɗyo xa ƥay nuun farna fo Mbiñ o tedu nqe too simat o Yaal oxe.

Nehemi 5:13

Cinj kaaga, yo’naam njiba ne no sabadoor ne mi, lay ee: «Neeke Roog a yo’nitkaa o kiin oxuu damkeerna a tegit aleene, ta ñak mbind um fa halal um. Neeke a yo’nitkeel soo a xaƴel o ƥor!» Mbokatax ne fop a mbalalooxa yee: «Yaasaam ta jegit neene!» Cinj kaaga, a simata o Yaal oxe soo a mbi ke da ndegit’ina.

Mberaand 24:26

Maaga, o koor oxe a gooknooxa, a gung a lanq mbaambir no Yaal oxe,

1 Caloori ke 29:20

Cinj kaaga, Dawid a laya mbokatax naa fop ee: «Ngidimyo o Yaal oxe Roog nuun!» Mbokatax naa fop boog a ngidma o Yaal oxe Roog fee no daan den. A ngooknooxa soo a ngung mbaambir no Yaal oxe fo mbaambir o maad oxe.

A paɗax ale 9:24

Fiɗel a sutoora mbaambir no Yaal oxe, a dox sadax fa ndoxel fee fo neeneer ke ndeeƭna took o sadaxand ole. Xeet faa fop a nga’aan too a soroxole’a soo a ngung a lanq.

A sutax ale 12:27

fat nu ndoon a den ee: ‹Kaa ref sadax fee na Colandax ale i ƥoxot’ina o Yaal oxe jolandoox’ina pind in, in Ii-isra’el we kam Misira, ye ta xawna Miimisira we soo a mucil a in.› » Maaga, Ii-isra’el we a ngooknooxa, a ngung.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

1 Korint 14:16

Yaam a reftangee neene, too o xeɗaa fo yiif soom, nam o kiin sang um sang um oxe a waagu o doonit ee: «Amiini!» too andee ke xeɗoona, a refangaa sax ee kaa o gidmoogu a Roog?

Mace 26:39

Yaa ta retna boo a goƭ o ndik, a gooknooxa, a gung, too a xeɗa a Roog ee: «Faap, a waagangaa jeg, fat o kaas coono lene a riƈatoox boo yerkinum. Kaa koy, baa jegit ne bugtanuuma, ndaa ne bugtanoona.»

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Yeremi 28:6

a lay ee: «Amiini! Yaasam o Yaal oxe a fi neene! Yaasam o Yaal oxe a fadin padafuleer ke yegnitoona, a nomtitiid Babilon boo no mbiñ onqene tig oo tig ke no Mbind ne no Yaal oxe fo fop we ƥis’eena took o hup doole.

A kim a tedu ke 141:2

Fat a qeƭ es a ŋaayiid boo me wo nen cuuraay, xa ƥay es axe letnuuma a nand nen sadax kirand.

A kim a tedu ke 63:4

O don es kaa ɓoxotang o ndam, yaam o mbeq of moƴu o ñoow ole.

A kim a tedu ke 41:13

Damtaxamo, yaam ne ñakuuma ƥanjel, soo dalnaam mbaambir of boo kili.

A kim a tedu ke 28:2

Nan-gilooxi a qeƭax es, yaa um ƴufginooxang, yoɗaa xa ƥay es farna fo o mbiñ onqe wo moƴna o ted.

2 Caloori ke 29:30

Cinj kaaga, o maad Hiskiya fo kelfa ke a laya Leelewi we da simatit o Yaal oxe xa ƭelem axe Dawid fo axe Asaf fee o ƭeet oxe. Weene a simata o Yaal oxe fo o ɗaay, soo da ƈuug, a ngung.

2 Caloori ke 6:4

Cinj kaaga, a laya yee: «O Yaal oxe Roog fee Isra’el a hela o simatel, yaam ten fadnitu xa ƥay um ke ta layoodna a faap es Dawid ee:

Mberaand 14:22

Abram a doona o maad oxe Sodoom ee: «Mexey jooxaa o Yaal oxe Roog fee Took-ee-took sakna asamaan fo lanq:

1 Caloori ke 16:36

O Yaal oxe Roog fee Isra’el a hela gidmeel bo na moos boo moos! Maaga, xeet faa fop a laya yee: «Amiini!», soo a simat o Yaal oxe.

Nehemi 8:7

Ye xeet fee a inooxatinna, Yesuwa, Bani, Serebiya, Yamin, Akub, Sabetay, Hodiya, Maseya, Kelita, Asariya, Yosabad, Hanan fa Pelaya, we Leelewi, a tektooga a den kebil ke.

1 Caloori ke 29:10

Dawid a simata o Yaal oxe mbaambir mbokatax ne fop a lay ee: «O Yaal oxe Roog fee no taan in Isra’el a hela o simateel bo na moos boo moos.

2 Caloori ke 29:10

Ndiiki koy, kaam heboox o hiɓoor fo o Yaal oxe Roog fee Isra’el ndax fuux ɗomu le ten biltooxanna a in a ɓoos.

A kim a tedu ke 95:3

yaam o Yaal oxe refu Roog fa maak fee, o maad o maak oxe garitna roog ke fop took.