Nehemi 8:5 - NQAARIIT NE ROOG

⁵ Esdaraas a weta safe le boo fop a nga’an, yaam ne ta fod’ina maa moƴna o goƭ xeet fee fop took, too maaga fop a inooxa.

Nehemi 8:5 Referans Kwoze

Haahate we 3:20

Ehud a matiidaan, a soƥ ta moof na ndok-took a ƥuuɓu le ta kesan’eena ten doŋ, a layin ee: «Jegaam fa lay Roog faa waroonga o daawin.» O maad oxe a dalfooxa o inoox no gamb le ten.

1 Maad we 8:14

O maad Salomo a geleerooxa, a faambir fo mbokatax ne no Ii-isra’el we fop ngeenoox’ina soo a barke a den.

1 Maad we 8:12

Maaga, Salomo a laya yee: «O Yaal oxe, wo layu yee no eel niɓu o genkaa.

Nehemi 8:3

A jangooga no safe le no kaa xotitna no nqes ne boo na waxtu njeeƈ ndeer xoox, na baayo faa jasnoorna fo Ndokand ne no poofi ke, mbaambir goor fo rew fo fop we andna ke layeena. Fop a nan-gilooxooga a paax a cang ale no safe le no kebil ke.

Nehemi 8:4

Esdaraas fee o caajangin oxaa andna kebil ke kaa geenoox’u took ndaalaand a teex ne sipan’eena keene. Na ñamaak um a jeg’a a Matitiya, Sema, Anaya, Uriya, Hilkiya fa Maseya, soo na janoon um ta jeg a Pedaya, Misa’el, Malkiya, Hasum, Hasbadana, Sakari fa Mesulam.