Nehemi 8:17 - NQAARIIT NE ROOG

¹⁷ Mbokatax ne no we nomtoortiid’ina no mbaƭ naa fop a mbi’a ƭiif soo a ngen teen. No kaa xotitna na jamaane Yosuwe fee o ƥiy Nun boo no ñaal naaga, Ii-isra’el we ndoofandoogatee xew feene. Ndiiki koy, o mbelekinax o maak a jega.

Nehemi 8:17 Referans Kwoze

2 Caloori ke 8:13

Kaa ɓoxotoogu a den a reefandin no ne Moyiis a heblit’uuna na bes fuu refna, no pes a ñootnax ke, no nqool o ndeɓ onquu refna, fo na xa qet xa tedu xe a caf a tadak no hiid ole, ta ref na Xew fee no puuru canja’e ke, na Xew fee na bes fa ndakooxiidu fee fo na Xew fee no ƭiif ke.

Esdaraas 3:4

A ndoofanda Xew fee no ƭiif ke, ne ta hebliteena, a yoonandtan sadax toxel ñaal oo ñaal, a ndeefandin no sadax podne simteena na bes fuu refna.

Hebre 11:13

Wiin weene fop a nqona kam o ngim onqe. Ndaawee paax ke Roog a reg’ina a den. Den fa qoox den sax a laya yee genar fo waa laqooxiidna na adna feeke a ndefu. Kaa ƈookoogu paax keene koƭu, soo a simnaa a den.

Hebre 11:9

O ngim tax’u ta jaɓ o ñoowaa nen o gataakoon no saax laa Roog a reg’uuna. Kam ƭiif a genoogu nen a Isaak fa Yakoob we ndaaw’ina ndegit leng neene na Roog.

Hebre 4:8

A soƥ’angaa yee Yosuwe a ɗox’a mboƥ ne Isra’el boo na ñootnax aleene, Roog layitkoogatee kaa farna na bes fa lakas.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

2 Caloori ke 35:18

No kaa xotitna na jamaane no tuleer Sami’el boo na Yosiya mosee jeg a Colandax alaa roofandteena nen aleene kam Isra’el. O maad o leng kam Isra’el mosee o roofandit a Colandax ale ne Yosiya fo saasadax we fo Leelewi we, Yuuyudaa we fo we Isra’el maad’uuna fo we ngenna Yeerusaleem fop a mbi’it’uuna.

2 Caloori ke 30:26

O ɗaay o maak a jega kam Yeerusaleem. No kaa xotitna na jamaane Salomo fee o ƥiy Dawid fee o maad Isra’el boo fa ndiik, kaa nandna neene mosee o jeg kam Yeerusaleem.

1 Caloori ke 29:22

A koom, a ñaama, a yer mbaambir no Yaal oxe fo o ɗaay o maak. A ndalna a Salomo fee o ƥiy Dawid o maad jaf ɗikandeer. A ƭuumaan mbaambir no Yaal oxe nen o ƭooɗox, soo a ƭuum a Saadok nen o saasadax o maak.

Yosuwe 1:1

A cinj ye Moyiis fee o tag no Yaal oxe a xonna, o Yaal oxe a laya a Yosuwe fee o ƥiy Nun reeƭna o tiidimle Moyiis ee:

A cangatin ale 16:15

Fat nu ndoofandan o Yaal oxe Roog nuun xew feene boo ñaal ɓetuu ƭik no mbiñ onqe ta jilkaa. Fat nu mbelakinoox a paax, yaam xan o Yaal oxe a barke a saxad ale nuun fo ke nu njalkaa fo xa ƥay nuun fop.