Nehemi 8:16 - NQAARIIT NE ROOG

¹⁶ Maaga, xeet fee a ndeta, a mbaaƭiid a naaq, a mbi’an a qoox den ƭiif, oxuu refna no dung-took ole no mbind um, na xa maax axe den, na xa maax axe no Mbind Roog ne, na baayo fee jasnoorna fo Ndokand ne no poofi ke fo fee jasnoorna fo ne Efrayim.

Nehemi 8:16 Referans Kwoze

Nehemi 12:39

suur me garitna Ndokand ne Efrayim took fo Ndokand ngiid ne fo Ndokand ne no liƥ ke, njoon fo Taax-took ne Hananel fo ne no teemeed ke boo no Ndokand naa no paal ke soo ngaktik no Ndokand naa na kaso fee.

2 Maad we 14:13

Maaga Bet-Semes o mat Yehowas fee o maad Isra’el a damtu a Amatsiya fee o maad Yudaa too a ref o ƥiy Yowaas fo o ndaan Ahasiya. Cinj kaaga, a gara Yeerusaleem, a sex no saŋe ne o gur olaa o cigdel um a fi’na xa noonoong teemeed nahik, a xotit no Ndokand ne Efrayim boo no Ndokand naa no kooñ naa.

Nehemi 12:37

Ye da mbadiidna no Ndokand ne na cur ale, a njasnoora fo o ŋaayand ole na ƥak ale Dawid, a ŋaaytaan no saŋe ne boo a ngarit mbind no maad ne Dawid took soo a suur boo no Ndokand naa no poofi ke, farna fo batand.

Nehemi 3:26

Diidimle we no Mbind Roog ne ngenna na ƥak ale Ofeel a njalooga boo me jasnoorna fo Ndokand ne no poofi ke.

Yeremi 32:29

Kaakalde we na songaa teeru fene xan a ndok teen, a ngeƥandin. Xan a ndoxin riw, ten fo pind ke Baal a doxantoogeena cuuraay na xa tung-took axe den, soo roog lakas ke a njuuranteel teen, ndax um fuuxnoorel.

Nehemi 8:3

A jangooga no safe le no kaa xotitna no nqes ne boo na waxtu njeeƈ ndeer xoox, na baayo faa jasnoorna fo Ndokand ne no poofi ke, mbaambir goor fo rew fo fop we andna ke layeena. Fop a nan-gilooxooga a paax a cang ale no safe le no kebil ke.

Yeremi 19:13

Pind ke Yeerusaleem fo ke no maad we Yudaa xan a nqoolaƭar nen a Tofet, pind ke fop andoona yee xa qoor axe na asamaan a ƥoxotane cuuraay na xa tung-took axe den, soo roog lakas ke a njuuranel teen biiñ nen sadax.»

2 Caloori ke 33:5

A maxana xa qoor axe na asamaan xa sadaxand kam xa maax xa ƭaq axe no Mbind ne no Yaal oxe.

2 Caloori ke 20:5

Yosafat a geenooxa a ndeer mbokatax ne no Yeeyeerusaleem we fo Yuuyudaa lakas we mbaambir o maax o xas ole no Mbind ne no Yaal oxe.

2 Sami’el 11:2

No kirand leng, Dawid a inooxa me ta wondoox’ina, a foƭtaa a caf um no dung-took ole no mbind no maad ne. A foda maaga, a ƴook o tew o mosu xaa na ɓogooxaa.

A cangatin ale 22:8

Yaa nu maxkaa mbind nqas, fat nu mbi’anin a pang me widna o dung-took ole, ndax nu ngadooxkee fo’oy no xaa yentiidna teen.

Nehemi 8:1

Maaga, xeet fee fop a mbokatoora, a ndef o leng, kam Yeerusaleem, na baayo faa jasnoorna fo Ndokand ne no poofi ke. A laya a Esdaraas fee o caajangin oxaa andna a paax kebil ke, ta ɓisiid safe le no kebil ke Moyiis o Yaal oxe a dalnan’ina Ii-isra’el we.