Nehemi 8:10 - NQAARIIT NE ROOG

¹⁰ Esdaraas a ɓaata teen ee: «Nqaadyo, ñaamik ñaamel pelu, yer a yer a pelu too naqan we njegeerna dara kaa da njawna, yaam bes fene kaa kesanel o Yaal in. Ba nu ngooy, ndaa mbelakinooxyo, yaam o Yaal oxe refu doole in.»

Nehemi 8:10 Referans Kwoze

Xa peƭit axe 17:22

Kam fa mbelu kaa ci’taa o wod-fo-ɓaal, xeeñ naqadilooxu mat a ŋeesaa cer.

O baawaare xe 9:7

Yaaga boog, ñaami ngaaf of fo o ɗaay too yer biiñ of fo o mbelakinax, yaam Roog a jaɓa a pi of boo a ƴut.

A kim a tedu ke 149:2

Fat Isra’el a felakinoox no saasak um! Kaam ee fat xeet fee Siyoŋ a njeg o ɗaay no maad den!

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Esteer 9:19

Ten taxu Yaawuur we ngenna no teeru teɓ ke a ndoofandaa ñaal xarɓaxay fo ñaal nahkandeer ne no nqool Adaar, ta ref na den ñaal o mbumbaay fo o mbelakinax, soo a lultiraa a ƭang.

2 Korint 8:2

Gimu we kaa ƭeetloox’el kam coono maak kaa ndal’ina a den, ndaa o ɗaay den kaa magin’u lool, boo a tax da lalit o laabiir den, ke da ñak’ina ñak fop oo.

Esteer 9:22

yaam no ñaal keene Yaawuur we a njeg’u a ñootnax no we sib’ina a den, too no nqool onqeene itam naqad den a suptoor’u o ɗaay, ɗom den a refat baneex. A mbar’a o mbi a den ñaal o mbumbaay fo o ɗaay, a lultiraa a ƭang soo a ci’aa rool we.

O baawaare xe 3:13

Kaa koy, o kiin a naagangaa ñaamaa yeraa soo a muudoor ke ta ŋus-ŋusinna, ci’it Roog oo.

O baawaare xe 2:24

Ke moƴna no kiin refu soom ta ñaamaa, a yeraa, soo a muudoor ke ta ŋus-ŋusinna, ndaa ga’aam ee keene itam no ɓay Roog a hataa.

O baawaare xe 11:2

Xaaji o jeg of no fo mbiñ ɓetuu ƭik mbaat sax no fo ɓetuu tadik, yaam andiro taamaala kum na nqewkaa took lanq ke.

Filip 3:4

A dey’angaa o fi’el, mi itam waag’aam o doon yaakaar es no cer. A jegangaa oxaa foogna yee a waaga o doon yaakaar um no cer, andaam ee mi moƴun o waag o ten,

YEGIL MBAAX NE YEESU ne Lik a bindtuuna 11:41

Kaa nu mbar o sadax rool we kañ ke refna kam fee, too yaaga xan fop a xool na nuun.

A kim ale na kim ake 5:1

O cigeen es, o toog es, mexe garaa na ƭing es, ɓooriid miir fee mi fo qeeñe-xeeñe ke mi, ɓaƈit xef es, ñaam suum ke, yer biiñ es fo fo sis es. Nuun qaariit ke, ñaamyo boo ngiñ, yer mbug ne boo mbay nep.

O baawaare xe 5:18

Kaa sax o kiin oxuu Roog a lasna halal fo o jeg, a ci’in ta muudoorin, a xotaa teen a las um soo a felakinooxaa no onj um, kaaga ci’it Roog oo.

Yowel 2:23

Nuun we ngenna Siyoŋ, ndefyo no ɗaay too mbelakinoox no Yaal oxe Roog nuun, yaam a ci’a a nuun a teƥ a paax. A fudnaniida a nuun puyaam ke, a teƥ a sarandam ake fo a seeseek ake nen yaaga.

Mbeeñil 11:10

Maaga, xan adna fa muum a mbelakinoox, too a ndef no ɗaay na fa nqon fee no seede ɗik weene. Xan a lultiraa a ƭang a ndeer den, yaam duleer ɗik weene njom’andoogna adna fee.

1 Sami’el 25:8

Waagaa o laamit a den, too xan a layong o ten. Ten taxu Dawid kaa xeɗang o faax fa in na xew feeke i ngarna me wo. Ci’i a in, in we dag of fo o ƥeef Dawid no ke jegoona.› »

Nehemi 8:11

Leelewi we itam a mba’wooga xeet fee, a layaa yee: «Tiimyo, yaam bes fene kaa kesanel a Roog! Ba nu ngooy boog!»

Nehemi 8:12

Maaga, xeet fee fop a ndeta, ndax da ñaam, a yer, a naqan we njeg’eerna dara soo a mbelakinoox a paax, yaam a and’ata ke da lay’eena.

Sakari 14:21

O xuɗoox oluu refna kam Yudaa fo kam Yeerusaleem, xan a ted no Yaal oxe Hupna fop, too oxuu sadaxitna xan a waag o xot teen, a jawtikin. A koom, o leng jikooxkatee kam Mbind ne no Yaal oxe Hupna fop.

1 Maad we 8:66

No ñaal ɓetuu ndadkandeer naa, o maad oxe a nomta xeet faa da nqaad no ƭiif den. A salana o maad oxe soo a nqaad no ƭiif den, a mbelakinoox, a qeeñ den a may muut fo o ɗaay no paax ke o Yaal oxe a fi’an’ina o tag um Dawid fa Isra’el fee xeet um.

1 Caloori ke 16:27

A qooland fo o niwel mbodun mbaambir, katil fo o ɗaay a ndef no Ngenand um.

A kim a tedu ke 89:17

no mbelakinax a ngenu kili yaam gon of, o cofel of a yoɗaa a den.

Esayi 49:5

O Yaal oxe a ga’a o njiriiñ es, Roog es refu doole es. Ndiiki koy, o Yaal oxe moolaxama yaaga rimafulaandeem, ndax um ref o tag um, soo nomtiid xa taan axe Yakoob me ten, fokat xeet fee Isra’el paam um,