Nehemi 8:1 - NQAARIIT NE ROOG

¹ Maaga, xeet fee fop a mbokatoora, a ndef o leng, kam Yeerusaleem, na baayo faa jasnoorna fo Ndokand ne no poofi ke. A laya a Esdaraas fee o caajangin oxaa andna a paax kebil ke, ta ɓisiid safe le no kebil ke Moyiis o Yaal oxe a dalnan’ina Ii-isra’el we.

Nehemi 8:1 Referans Kwoze

Esdaraas 7:6

Esdaraas feene a inoortiida Babilon. Kaa reeƭu o piibind oxaa andna a paax kebil ke Moyiis o Yaal oxe Roog fee Isra’el a cooxit’ina. O maad oxe a ci’ooga a Esdaraas fop ke ta xeɗoogna, yaam o Yaal oxe Roog um a reeƭa fo ten.

Nehemi 3:26

Diidimle we no Mbind Roog ne ngenna na ƥak ale Ofeel a njalooga boo me jasnoorna fo Ndokand ne no poofi ke.

2 Caloori ke 34:15

Maaga, Hilkiya a kafa fa lay faa, a lay a Safan fee o piibind oxe yee: «Ga’aam safe le no kebil ke kam Mbind ne no Yaal oxe.» Cinj kaaga, a cooxaan o ten.

Esdaraas 7:11

Keeke refu yiƥadax ne no leetar ole o maad Artaserkesees a cooxna a Esdaraas fee o saasadax, too a ref itam o caajangin oxaa na aqatinaa ke o Yaal oxe a heblitna fo ke ta dalnanna a Isra’el:

Mace 23:34

Ten taxu nan-gilooxaamoo! Mexe ɓisiidaa me nuun duleer fo yaal-o-and fo waa na mbugko njangnaa a Pind a Tedu ke. Kaa koy, xan nu mbar leng we, lakas we nu ndeng a den na kurwaa, we yoqna nu nqaw a den xa cap kam pind a qeƭ ke nuun, soo ñagadilit a den na teeru boo na teeru.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Mace 23:2

«Jaajangin we no kebil ke fo Farisiya we a moofa no gamb le Moyiis.

Mace 13:52

A dakooxa o lay a den ee: «Ten taxu boog, o caajangin no kebil ke Moyiis, a refangaa o taalbe no Maat ne na asamaan, kaa nand fo o yaal mbind oxaa na suttaa no ngeekand um qas fo kiid.»

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

Nehemi 12:37

Ye da mbadiidna no Ndokand ne na cur ale, a njasnoora fo o ŋaayand ole na ƥak ale Dawid, a ŋaaytaan no saŋe ne boo a ngarit mbind no maad ne Dawid took soo a suur boo no Ndokand naa no poofi ke, farna fo batand.

Nehemi 8:16

Maaga, xeet fee a ndeta, a mbaaƭiid a naaq, a mbi’an a qoox den ƭiif, oxuu refna no dung-took ole no mbind um, na xa maax axe den, na xa maax axe no Mbind Roog ne, na baayo fee jasnoorna fo Ndokand ne no poofi ke fo fee jasnoorna fo ne Efrayim.

Haahate we 20:8

Xeet faa fop a inooxandoora nen o kiin o leng, a lay ee: «O leng na in nomtooxkee no ƭiif um, too o leng xaadkee no mbind um.

Haahate we 20:1

Ii-isra’el we fop a mbokatoora, a ndef leng, mbaambir no Yaal oxe kam Mispa. A inoora muu refna, xotitna Dan, no ɓemb-roog o janoon, boo Beer-Seeba, no ɓemb-roog o ñamaak, fo saax laa Galaad, no batand.

2 Caloori ke 34:30

Cinj kaaga, o maad oxe a reta no Mbind ne no Yaal oxe, a yoon fo goor we ngenna Yeerusaleem fo Yuuyudaa lakas we fop, saasadax we fo Leelewi we fa xeet faa fop, a xotit no fo mboƭomsogor ne boo no wiin maak we. A jangana a den fop ke layeena no safe le no ngiɓoor ne da soƥ’ina kam Mbind ne no Yaal oxe.

Esdaraas 7:10

yaam no xeeñ um fop kaa aqatooxoogu kebil ke no Yaal oxe, a reefaa a den soo a jangnaa kam Isra’el ke o Yaal oxe a dalinna fo ke ta simitna.

Nehemi 8:3

A jangooga no safe le no kaa xotitna no nqes ne boo na waxtu njeeƈ ndeer xoox, na baayo faa jasnoorna fo Ndokand ne no poofi ke, mbaambir goor fo rew fo fop we andna ke layeena. Fop a nan-gilooxooga a paax a cang ale no safe le no kebil ke.

A paɗax ale 9:5

Ke Moyiis a hebil’ina a ƥisiide mbaambir Ƭiif ne, soo mbokatax ne fop a ndalfoox o matiid, a ngeenoox mbaambir no Yaal oxe.

A cangatin ale 31:11

yaa Ii-isra’el we fop a ngarkaa, a ngeenoox mbaambir no Yaal oxe Roog nuun no mbiñ onqe ta jilkaa, fat nu njang kebil keene no nof no Ii-isra’el we fop.

2 Maad we 23:2

Cinj kaaga, o maad oxe a reta no Mbind ne no Yaal oxe, a yoon fo we ngenna Yeerusaleem fop fo goor we no ke yoqna na Yudaa fop fo saasadax we fo duleer we, xeet fee fop daal, a xotit no fo mboƭomsogor ne boo no wiin maak we. A jangana a den fop ke layeena no safe le no ngiɓoor ne da soƥ’ina kam Mbind ne no Yaal oxe.

Esdaraas 7:1

Ye keene faafna, a jopir Artaserkesees a refaa o maad Persi, a jeg’a o koor oxaa ne’eena Esdaraas, a ref o ƥiy Seraya, Seraya a ref o ƥiy Asariya, Asariya a ref o ƥiy Hilkiya,

Nehemi 12:26

Weene njopir’u fa jamaane Yoyakim fee o ƥiy Yesuwa too a ref o ndaan Yosadak fa jamaane Nehemi fee gofornoor fa Esdaraas o saasadax too a ref itam o caajangin oxaa andna kebil ke.