Nehemi 7:3 - NQAARIIT NE ROOG

³ Layaam a den ee: «Baa tokand ke na teeru fee a mbetel a refangee njeeƈ ne kaa wat boo a sum. A yaarangaa, fat a mbegel, a nginglel boo yeeyetax we a ngelko fo mbudooxaa. Fat we ngenna Yeerusaleem a ndok no yetooxand den, oxuu refna a jasnoor fo mbind um.»

Nehemi 7:3 Referans Kwoze

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

A kim a tedu ke 127:1

A kim no ñaañaaƴ we yoo, a fog na ke Salomo. Boo o Yaal oxe a maxeerna mbind ne, we na maxan kaa yaqaa doole den. Boo o Yaal oxe a yetooxeerna teeru fee, oxe na yetooxan kaa yaqaa o ƭaan um.

Nehemi 13:19

Cinj kaaga, heblitaam ndax tokand ke Yeerusaleem a mbegeel, yaa a kid a njaɓraa, boo bes fee na ñootnax ale a helko fo rokaa, too baa mbetatel a refangee bes fee na ñootnax ale kaa faaf. Doonaam leng-leng no dag es no tokand ke, ndax njula leng rokiidkee na bes fee na ñootnax ale.

Nehemi 3:23

Kaltaa den, Bensame fa Hasub a njalooga me jasnoorna fo mbind den. Kaltaa den, Asariya fee o ƥiy Maseya too a ref o ndaan Ananiya a jalooga denda fo mbind um.

Nehemi 7:2

Doonaam a Yeerusaleem na xa ƥay Hanani fee o pog es fo na xa ƥay Hananiya fee adooxanna saŋe ne. We nand’ina fa Hananiya no ngor fo no saɗar a Roog mayee.

Nehemi 7:4

Teeru fee a magna too a yaaj, ndaa mayee wiin, too a jega pind kaa maxatin’afulandeena.

A kim a tedu ke 147:13

yaam kaa saƭkandaa a kinglir ake no begax ke wo soo a barke’aa xa ƥeef a ndeer of.