Nehemi 7:1 - NQAARIIT NE ROOG

¹ Ye saŋe ne a maxatineena boo um wadin begax ke, we na yetooxaa tokand ke no saŋe ne, giigim we no Mbind Roog ne fo Leelewi we a ndalne no calel den.

Nehemi 7:1 Referans Kwoze

Nehemi 6:15

Saŋe ne a maxe no ñaal qarɓeen ƥetik fo ñaal ƭik, a muukel no ñaal qarɓeen ƭik fo ñaal ƥetkandeer no nqool Eluul.

Nehemi 6:1

Sanbalat, Tobiya, Geesem fee o Araab fo fañ in lakas we a yega yee saŋe ne maxatin’uuma jegatee xa ƥaƈit xa leng. Kaa koy, boo na waxtu faaga, wad’afuliim begax ke no tokand ke.

2 Caloori ke 31:2

Hiskiya a dalna a yaj ake no saasadax we fo ake no Leelewi we, aluu refna no far um: Saasadax we fo Leelewi we ndefanna sadax toxel ke fo camsa’oor ke, we ndefanna a paɗax ale, we ndefanna o ngidim onqe fo a simat ake fo we na xa ton-maax axe no saŋe ne no Yaal oxe.

Nehemi 12:24

Kelfa ke no Leelewi we ndefna Hasabiya, Serebiya fa Yesuwa fee o ƥiy Kadmi’el kaa njasnooroogu fo Leelewi lakas we, ndax da simat soo a tagas o Yaal oxe, ne Dawid fee o kiin Roog a simtit’uuna. Kaa njaaɓanroogu a qaaj a qaaj.

Nehemi 11:3

Weeke ndefu kelfa ke no jegel ole Yudaa ngenoogna Yeerusaleem. Kam teeru lakas ke Yudaa itam, Ii-isra’el we a ngenooga teen, oxuu refna na teeru um fo na ƭing um. A ndeer den a jeg’a saasadax fo Leelewi fo diidimle no Mbind Roog ne fo xa taan no dag we Salomo.

Nehemi 10:39

O saasadax, o ndaan Aaroon, xan a yoon fo Leelewi we, yaa weene a mbatnikaa a seek xarɓaxayandeer ale, soo Leelewi we a ƥisiid a seek xarɓaxayandeer ale na seek xarɓaxayandeer ake no Mbind ne Roog in, kam toktal ke na kamba le.

Esdaraas 3:8

No hiid o ɗikandeer ole a cinj ye da mbadiidna no Mbind Roog ne kam Yeerusaleem, no nqool o ƭikandeer onqe, Serubabel fee o ƥiy Se’alti’el fa Yesuwa fee o ƥiy Yosadak, yoqatin we no fog den saasadax we, Leelewi we fo fop we nomtoortiid’ina no mbaƭ naa, a ngar Yeerusaleem, a ndefa no calel soo a ngadin Leelewi we njeg’ina xa kiid qarɓeen ƭik a jof took da yetooxaa maq ne no Mbind ne no Yaal oxe.

2 Maad we 7:10

A ndeta, a nqoy o yeeyetax oxe no don-maax olaa na teeru faa, a layin ee: «Kaa i ndet no saŋe naa no Aa-araam waa, i soƥee maaga o kiin o leng too i nanee o ñuxur o leng. Jegee maaga lakas, a refangee pis ke fo xa paam axe ngumeena fo ƭiif ke mbaaseena ne da ndeeƭna.»

Nehemi 6:19

Wiin weene koy, kaa tagasoogun sax mbaambir es, a njo’tan fa lay es. Tobiya a reta sax boo a xuflaxam fo xa leetar.