Nehemi 6:9 - NQAARIIT NE ROOG

⁹ Den fop koy, a njeemooga o ndiidland a in, a layaa yee: «Xan xa ƥay den a ƥoloox, too calel ke mbi’kataand.» «O Yaal oxe, saƭakinaam no far es!»

Nehemi 6:9 Referans Kwoze

A kim a tedu ke 138:3

A koom alaa ƴufginooxoonga, jaaɓaxamo, soɗaam njambaar, ci o laaw es doole.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

Hebre 12:12

Yaaga boog, fat nu yoɗatin xa ƥay axe nuun yaarna too saƭkand kuɓay ke nuun neewna doole.

Filip 4:13

Waagaam fop yaam oxe na dif’axam.

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

2 Korint 12:9

Kaa koy, a doonaxam ee: «Yirmande es a deyaang, yaam katil es, we neewna doole a refanu.» Ten taxu yoo, xam moƴ o fakoorit o neew doole es a paax, ndax katil ne Kiristaa a fudoox took es.

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

1 Sami’el 30:6

Dawid a jaq’a lool, yaam yoon we ten kaa mbaajoogun o mbarit a kac. Oxuu refna na den, kam um kaa feƭar’u lool, yaam a xalaataa xa ƥeem. Kaa koy, Dawid a saƭakinooxa no Yaal oxe Roog um,

Efees 6:10

Ndiiki koy, ne nu mbogna no Yaal oxe, mbaaƭityo no ten doole nuun, too ndokoox katil magnu ne ten.

Yeremi 38:4

Kelfa ke a laya o maad oxe yee: «O koor oxene fa nqon helun! Ke ta layaa kaa foosnooraa goor xiixire we yoqna kam teeru fene fa xeet fee fop. O koor oxene waaƭanee xeet fee jam, ndaa taamaala den a oraa.»

2 Caloori ke 15:7

Yaaga boog, saƭikyo too ba nu nqaƴ xa ƥay nuun da yaar, yaam a pi ake nuun xan a saɗgel.»

A kim a tedu ke 71:1

O Yaal oxe, na wo um jaɓnooxaa. Koo ba um sed muk.

A kim a tedu ke 56:3

Bes oo bes, fañ es kaa ŋaalooxanaxam, we na ñoxoraa fa mi fo o nga’atinax a may bo.

Nehemi 6:14

«Roog es, wetandooxi ke Tobiya fa Sanbalat a mbi’na fo itam Nowadiya fee o tuleer o tew oxe fo duleer lakas we njeemoogaxama o ndiidland.»

A kim a tedu ke 68:35

Njaɓyo katil fee Roog. Ten na maadooxaa took Isra’el, a eel ake a laltaa doole um.

2 Caloori ke 32:18

We Sanxerib a lul’ina kaa mbalalooxoogu a maak na lak fee Yudaa, ndax da saɗarnoor soo a ndiidland xeet fee Yeerusaleem ndeeƭna took saŋe naa fo itam ndax da njaɓit neene teeru fee.

Sakari 10:12

Xam fi xeet es a njeg doole, a ñaaƴaa no gon es. Mi o Yaal oxe layun.»

Esdaraas 1:6

Gentand den fop a ci’ooga a den xa ƥay no kuu refna, na xa ƥaxañ axaa mbi’teena xaaliis mbaat wurus, kalal lakas, tikoorik cegu njiriiñ fo cegel, fogreerna fo sadax ke da mbi’oogna fop no fud o letu.

Heseki’el 30:24

Xam saƭkand a naax ake no maad oxe Babilon soo doon laƥ ne mi no ɓay um. Xam ɓol calit a naax ake Firawon fee, too xan a ɗomatoox mbaambir um fo ƭomatax no xaa na xonaa.

Esayi 40:29

Kaa ci’aa doole oxe xijna, a moƴ o saƭakinaa oxe ñakna doole.