Nehemi 6:2 - NQAARIIT NE ROOG

² Maaga, Sanbalat fa Geesem a lultiidaxam ee: «Gari, ndax i nga’ir kam Kefirim, na yulanq alaa Ono.» Kaa nqalaatoogu o mbi’aam paaxeer.

Nehemi 6:2 Referans Kwoze

A kim a tedu ke 37:12

O soxodu xe kaa yuuɓanaa o cofu xe paaxeer, a ŋatooxanan,

1 Caloori ke 8:12

Xa ƥiy axe Elpaal ndefu: Ebeer, Misham fa Semed. Semed max’u teeru fee ne’eena Ono fa fee Lood fo caate ke ta waxooxna.

Nehemi 11:35

Lood, Ono fo na yulanq ale no waane’u we.

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Yeremi 41:2

Maaga, Isma’el a naaga daket, ten fo goor xarɓaxay we yoon’ina fo ten, soo a nqawit laƥ a Gedaliya fee o ƥiy Ahikam, too a ref o ndaan Safan. Naaga, a mbara oxe o maad oxe Babilon a dalin’ina ta maadooxaa no saax le.

O baawaare xe 4:4

Ga’aam ee ŋus-ŋus fuu refna fo calel ñaaƴu kuu ndefna ciis rek garu fo ten. Keene kaa refahin kasaara fo a ƥaaƈ a ƥor.

A kim a tedu ke 37:32

O soxodu xe kaa ɓeedaa o cofu xe, a waaƭaa maa ta wartuuna,

A kim a tedu ke 12:2

O Yaal oxe, ƴufgiidi, yaam jofu we owe mbagaa, ngor ne a moocaa a ndeer no wiin we.

2 Sami’el 20:9

Yowab a laya a Amasa yee: «O pog es, nam fi’o?» Ye ta layaa keene, a dama o raatam ole Amasa fo o ɓay um o ñamaak, a fi nen oxaa buguuna o farakoox.

2 Sami’el 3:27

Ye Abineer a nomtooxiidna Hebron, Yowab a xoyaan da sayoox no don-maax ole na teeru fee, a fi nen oxaa bugna o waxtaan fo ten na pet. Maaga Yowab a dibtu a Abineer no fud. A waraan, yaam ne ta war’ina a Asa’el fee o ndeɓ um.

Nehemi 6:3

Lulaam wiin maa den, ndax da lay a den ee: «Maadaam o jegaa calel mayu kaa waruuma o fadin. Waagiim o gar maaga, yaam calel ke xan a ngeenoox, um xaƴangaa a den, xetik fa nuun.»

Nehemi 3:22

Kaltaa um, saasadax we ngenna me widna a Yeerusaleem a njalooga.