Nehemi 6:13 - NQAARIIT NE ROOG

¹³ Kaa mbesoor’u neene, ndax um saɗar, reef o as ole Semaya soo bakaad. Maaga, a mbaagkooga o yaq gon es soo a ƥekaam gaci.

Nehemi 6:13 Referans Kwoze

Yeremi 20:10

Nanaam wiin mayu a layaa paaxeer na mi, a lastitaxam ee «Diid le xey muu refna». Leng we kaa layaa yee: «Fat nu ngoƥattin», lakas we yee: «Iyo, fat i ngoƥattin». Fop we jamoor’uuma sax kaa ngorooxaa na mi o njuumte nqe moƴna o neew, a layaa yee: «Xeƈa xan a yen me ta ɗaapaneena, soo i ndamin, ndabdinoox took um.»

Saak 4:17

too o kiin a andangaa ke ta warna o fi, too fi’iran, yaaga a bakaada.

2 Timote 1:7

Ke Yiif le Roog a ci’na a in naagee o riñaa no deyaƭar. Kaa cooxtaa doole fo o mbeq fo o and.

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Xa peƭit axe 29:5

Oxe na jalnge’aa o kend um kaa ɗaapaa mbog na caf no xeene.

Nehemi 6:6

Kaa bindel teen ee: «Ŋur-ŋur fee xe kur a ndeer qeet ke mbidna a in, too Geesem itam a layaxam ee wo fo Yaawuur we kaa nu yuuɓaa siiknoor. Ten taxu o maxatinaa saŋe ne. Kaa layeel itam ee kaa o bug o refat o maad den

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Tiit 2:8

Fat fa lay of a xool, a ñak ƥanjel, ndax fañ we a sed, yaam a ñak kaa da njeertikna a in.

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.

2 Korint 11:12

Keene fi’uuma, xam dakooxahin teen, ndax um foor tafil ƥaaƈaal ke mbaagna o ci wiin weene o wooƥ o ga’a­tinoor boo a tax da nandandooraa a in, a mbakooxataa.

A pi ake 6:13

A ƥisiida itam seede maamaaɓ waa layna yee: «O kiin oxene koy, waaskee o wenaa Mbind Roog ne fo kebil ke Moyiis muk!

Mace 26:59

Saasadax maak we fo Mal maak ne fop kaa mbaaƭanoogu a Yeesu a nox, ndax da mbarin.

Mace 22:15

Maaga, Farisiya we a ndeta a nga’rik, ndax da mbaag o mbog a Yeesu took fa lay um sax sax.

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

Heseki’el 2:6

Wo fee o ƥiy no kiin, ba o saɗar a den, too ba o saɗar fa lay den, ke o refkaa ref a ndeer takar-ñiig fo tomb soo moof fo a beex fop oo. Ba o saɗar fa lay den too ba o send mbaambir mukit den, yaam xeet fa mbaafañ a ndefu.

Yeremi 1:17

Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

Esayi 57:11

Ndi an saɗaroogo boog, an fit’o boo a tax o maaɓaxam, fañ o xalaatataam soo weecaam? Andum ne maar’uuma o don es yaaga boo fa ndiik taxu saɗariraamo.

Esayi 51:7

Nan-gilooxaamoo nuun we andna o cofel, nuun xeet fee njegna a cangin es na qeeñ nuun. Ba nu saɗar naqadil ke no wiin we, too ba nu send yaam a ben ake den.

O baawaare xe 7:1

O jeg gon moƴu ƭuumwel kaa maginna njigand, soo bes fa nqon a moƴ bes o rimel.

Xa peƭit axe 22:1

O jeg gon moƴu halal fa mayu, o andel a moƴ xaaliis fa wurus.

Nehemi 6:12

Maaga, andaam a paax ee Roog luliran, ndaa Tobiya fa Sanbalat ndabid’un, ndax ta jo’taam keene.