Nehemi 6:11 - NQAARIIT NE ROOG

¹¹ Doonaanum ee: «Xan o koor o podne mi a moof a ƴufaa? O koor o nandu nen a mi, ndax a waaga o rok no sadaxand ole soo a maad o ñoowaa? Ha’aa, rokkiim maaga!»

Nehemi 6:11 Referans Kwoze

A pi ake 21:13

ndaa Pool a doona yee: «Xar taxu nu loolaa, yaqaa xeeñ es? Ndax nu andee yee fañiim o humel soom, ndaa jaɓaam o warel Yeerusaleem sax yaam gon le no Yaal oxe Yeesu.»

Xa peƭit axe 28:1

O soxodu xe kaa ƴufaa too raxkaand, o cofu xe mat a jeg o woor nen njogoy njanglax.

Filip 2:17

Um warange sax oo, fo’oy es kaa nandkaa soom nen ƥaate took o ngim onqe nu ƥoxotna a Roog nen sadax, sawaraam teen, felakinooxaa fa nuun, nuun fop.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

A kim a tedu ke 112:8

O laaw um sendkee, too saɗaree dara, ta pafat o yidaa fañ um we maafeena.

A kim a tedu ke 112:6

Oxeene kiin sendkee muk. O cofu xe xan a wetandooxeel boo kili.

Hebre 11:27

O ngim tax’u Moyiis a sutoox saax laa Misira, too diid’ee fuux le no maad oxe. Kaa naag’u diŋ a saƭik wee ndax kaa ɗeetoogu oxe waagaandeena o ga.

Filip 2:30

yaam no calel ke Kiristaa o ñoow um a yaac’u o ɓostoor, yaam ta doon’un no xoƥ nquƭ, ye ta rondandna a nuun paam es.

O baawaare xe 10:1

Buƈ qonu ke kaa mbotandaa soo a ñolandaa diwliin fee no caajaxas qeeñe-xeeñe xe. Ƭof ndutuuñ a waaga ñuf o jeg-yiif tigi.

Nehemi 6:9

Den fop koy, a njeemooga o ndiidland a in, a layaa yee: «Xan xa ƥay den a ƥoloox, too calel ke mbi’kataand.» «O Yaal oxe, saƭakinaam no far es!»

Nehemi 6:3

Lulaam wiin maa den, ndax da lay a den ee: «Maadaam o jegaa calel mayu kaa waruuma o fadin. Waagiim o gar maaga, yaam calel ke xan a ngeenoox, um xaƴangaa a den, xetik fa nuun.»

1 Sami’el 19:5

A jikooxa o ñis um, ndax ta war o Fiifilista xaa, too o Yaal oxe a ci’a a Isra’el o ndam o maak a koom. Ga’oodaa keene boo felakinoox teen. Xar taxu boog o bug o bakaad, ɓax fo’oy no cofu xene, warnoor a Dawid, too fi’ee paaxeer leng?»

A pi ake 8:1

Sool a yoon’a na bar ale Eceen. No ñaal naaga ñagadil maak a rope took o fog ole no gimu we ndefna Yeerusaleem. Gimu waa fop bo ta yoqaa apootar waa, a pictoox’a kam o jegel olaa Yudee fo saax laa Samari.

Esayi 10:18

Xan a yaq pic suungaan niɓu le fo a ƭing ake ten, too saax le xan a nandat fo o baad oxaa na ɓutaa.

Nehemi 6:12

Maaga, andaam a paax ee Roog luliran, ndaa Tobiya fa Sanbalat ndabid’un, ndax ta jo’taam keene.

A lim ale 3:10

Fat o maƭoox a Aaroon fo xa ƥeem, ndax da ngay calel no saasadax den. Oxuu rokatilooxna teen too fogee na den, fat a warel.»