Nehemi 5:9 - NQAARIIT NE ROOG

⁹ Layahinaam a den ee: «Ke nu mbi’aa faaxee! Kaa nu mbar o ñaaƴ no saɗar a Roog in, ndax qeet ke fañ in mbenkee a in.

Nehemi 5:9 Referans Kwoze

A paɗax ale 25:36

Xotitkiro no ten ndimand ngupu, ndaa fat o saɗar a Roog of too fi boo oxeene a waag o ñoowaa paam of.

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

2 Sami’el 12:14

Kaa rek no keene ci’aa fañ we no Yaal oxe o wooƥ olaa da mbentuuna. Ten taxu o ndeɓandoong onqe sogeena o rim xan a xon.»

Tiit 2:5

Fat a njangin a den itam da ndamoox, a ndam no gor den soom, a mbi’aa calel ke no mbind ne, a mbaax, a nanan gor den, ndax fa lay fee Roog wenkaand.

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.

O leetar ole Pool a bindna GIMU WE NGENNA ROM 2:24

Ten taxu a Pind a Tedu ke a laya yee: «Nuun taxu we ndefeerna Yaawuur a mbenaa gon le Roog.»

A pi ake 9:31

O fog ole no gimu we a ref’ata na jam kam xa cegel axene fop: Yudee fa Galile fa Samari. Kaa jokooxoogu, a ñoowaa no saɗar o Yaal oxe, soo a xayaa no pexey o ndimle nqe no Yiif Tedu le.

Heseki’el 36:20

A mbadiida me no qeet ke da njofoogna too a maasanda gon tedu le mi boo a tax ta layoogel na den ee: ‹Xeet fee no Yaal oxe yoo, no saax um a sutooru.›

Xa peƭit axe 24:23

Keeke refahinu ke jegu yiif we a layna: Fare-fare faaxee tus yaa fa hate fee.

Xa peƭit axe 19:2

O jaflax ole yooneerna fo o and faaxee, too oxe na ñofandooxaa bo ta hup kaa juumaa.

Xa peƭit axe 18:5

Farit oxe tooñna, gadin o cofu xe tooñ yaa fa hate, faaxee.

Xa peƭit axe 17:26

O cofu xe a maalel, xotee a ƭat, ne’atiim o yaal o sedel a xawel.

Xa peƭit axe 16:29

O kiin fo’oy oxe kaa ɗooqlooxaa o kend um, a xotnoorin a ƭat a paaxeer.

Nehemi 5:15

Gofornoor ke adooxaxama kaa ñaatlandoogu xeet fee, a seraa a den ñaamel fa biiñ, kaa jolna xa monjong qarɓeen nahik xaaliis fa nqoolu xe. Dag we den sax kaa toroxandoogu xeet fee. Mi o mat, fesooriim neene, yaam o saɗar a Roog.

Nehemi 4:4

Yaag oo toox de, Yuuyudaa we kaa layoogu yee: «O ndoole reefatee we saqna a toq ale, too kefatin ke a maya lool. I mbaagkee muk o maxatin saŋe ne.»

1 Sami’el 2:24

Xa ƥees, fat kaaga a naag faq a xon, yaam ke um nanaa xeet fee no Yaal oxe a layaa na nuun, faaxee dara.

Mberaand 42:18

No ñaal ndadkandeer naa, Yoseef a laya a den ee: «Mbi’yo kene, too xan nu ñoow, yaam saɗaraam a Roog!

Mberaand 20:11

Abraham a doonaan ee: «Kaa saf’aam ee jegee o leng oxaa saɗarna a Roog no saax leeke, too mexaa layaa yee o tees oo, da mbaraam a njangin.

Nehemi 5:10

Mi itam, fog es fo dag es, i ƥanda a den xaaliis fa bele. Fat i mbaas boog ke da saqanna a in.

A kim a tedu ke 90:11

An andu doole fee no fuux le wo, a and fuux ɗomu le wo, ndax ta saɗarong?