Nehemi 5:5 - NQAARIIT NE ROOG

⁵ Yaag oo toox de, in fo fog in cer leng kut ke i saqu. Xa ƥiy xa koor axe in njektiree fo axe no fog in. Yaqanee koy i ƥoxota xa ƥiy xa koor axe fo xa tew axe in no mbaƭ, too a jega na xa ƥiy xa tew axe in waa ƥoxoteena teen. I njegee pexey lakas, yaam xa qol axe in fo a ƭing taxar biiñ ake in wiin lakas njegatu a den.»

Nehemi 5:5 Referans Kwoze

2 Maad we 4:1

Na bes fa leng, o tew oxaa o kor um a fog’ina no duleer we a soƥiida a Eliise, a ƴufginooxin ee: «Andaa yee, o kor es oxe tag of a saɗar’a o Yaal oxe, too ndiiki a xona, soo oxe rawin’ina a in xaaliis kaa laaciid xa ƥiy xa ƭaq axe mi, ndax ta fi’ik a den faɗ.»

Esayi 58:7

Ten refu itam o xaajir fo xe xeexeena ñaamel of, rool we njegeerna maa njaɓnooxna, o wetan a den mbind of, oxe ɓangdeena, o cooxin ñirax, soo fañ o fes a cinj o pog of.

Mberaand 37:27

Ngaryo i njikooxin Ii-isma’el we, ndaa ba i mbartin xa ƥay in, yaam o ndeɓ in a refu, i mbog fo’oy fo leng kut ole!» Fog faap we ten a nan-gilooxaan, too a njaɓa ke ta layna.

Mace 18:25

Ye ta jegeerna ndabid, o yaal mbind um a hebla yee ta jikooxel, ten fo o teem fo xa ƥeem fo ke ta jegna fop, ndax ta rabditel o lad olaa.

Mberaand 29:14

Maaga, Laban a layaan ee: «Andaam kañ ee o pog es ŋaƈit refo, too fo’oy fo leng kut ole na ƴufaa ƴuf na mi na ƴufaa na wo.» Yakoob a moofa maa Laban boo a jeg o nqool.

Esayi 50:1

O Yaal oxe kaa tee: «Taa a kayit a pinde le lalitna yee waasaam a ya nuun mbaat an jikooxum a nuun nen faɗ, ndax um rabditin o lad es? Nu njikooxange, paaxeer ke nu mbi’na taxun. Ya nuun a raxange, pakaad nuun taxun.

Xa peƭit axe 22:7

O yaal halal oxe kaa maadooxaa took no rool we, oxe na rawaa a ref o paɗ no xe na rawnan.