Nehemi 5:15 - NQAARIIT NE ROOG

¹⁵ Gofornoor ke adooxaxama kaa ñaatlandoogu xeet fee, a seraa a den ñaamel fa biiñ, kaa jolna xa monjong qarɓeen nahik xaaliis fa nqoolu xe. Dag we den sax kaa toroxandoogu xeet fee. Mi o mat, fesooriim neene, yaam o saɗar a Roog.

Nehemi 5:15 Referans Kwoze

Nehemi 5:9

Layahinaam a den ee: «Ke nu mbi’aa faaxee! Kaa nu mbar o ñaaƴ no saɗar a Roog in, ndax qeet ke fañ in mbenkee a in.

Esayi 50:10

Oxuu saɗarna o Yaal oxe fat a nan-giloox o ñuxur no tag um! Oxuu na ñaaƴaa no niɓaan ole too a ñak a qoolaand, fat a doon a koolax um no gon le no Yaal oxe, a damloox na Roog um!

Xa peƭit axe 16:6

O mbeq fo ngor kaa muuraa tooñ, o saɗar o Yaal oxe a taxaa o wootoox paaxeer.

2 Korint 11:9

Keene reeƭu ƭaxir coxla es, ndax gaɗkiim mbir es no leng na nuun, yaam fog gimu we inoor’ina Makedoni ƥislooxiidu fop ke warna na mi. No kuu ta waag’ina ref kaam mos o wootooxaa o gaɗ a xoox es na nuun, too xeɗaam ta saxaa na mi.

Mace 5:47

Nu naangangaa o simnaa fog nuun soom, xar nu moƴantu lakas we? Mee ndax yeefar ke sax kaa mbi’an!

Ke bindeena no xe ne’eena YOB 31:23

Yaaga saɗarkoogaam a qaw ale Roog, too waagkoogiim o xox mbaambir o magnel ole ten.

2 Korint 12:13

Kaam ee, xar nu ñaku, too pokatax lakas ke no gimu we a njegin? Jegee de, a refangeerna ne gaɗ’eeruuma coxla es took nuun, too mexe waasnooxaa a nuun camit neene sax.

Xa peƭit axe 29:12

Boo oxe na maadooxaa a nan-gilooxaa xa maaƥ, dag soxodu soom a jegkataa.

A kim a tedu ke 147:11

We saɗaruuna kañ njemun, we njegna a koolax no mbeq um.

A kim a tedu ke 112:1

Haleluyaa! Ndaw o ɗaay no xe saɗarna o Yaal oxe too a fex kebil um.

1 Sami’el 8:15

Xan a jangaa a seek xarɓaxayandeer ale no saxade le nuun fo na xa tim axe no taxar biiñ ke nuun soo a coox a den cawdiin ke ten fo dag um.

Mberaand 20:11

Abraham a doonaan ee: «Kaa saf’aam ee jegee o leng oxaa saɗarna a Roog no saax leeke, too mexaa layaa yee o tees oo, da mbaraam a njangin.

Mberaand 42:18

No ñaal ndadkandeer naa, Yoseef a laya a den ee: «Mbi’yo kene, too xan nu ñoow, yaam saɗaraam a Roog!

Nehemi 5:16

Kaam jaloogu kañ no maqatin ne no saŋe ne, too dag we mi itam kaa njaloogu teen. I njikanee a qoox in xa qol.

Yeremi 32:9

Jiktaam na Hanamel fee o ƥiy faap o ndeɓ es o qol ole reeƭna Anatot soo peese’anin xaaliis fee no ndabid ne: Xa monjong xarɓaxay fo xa monjong ɓetaa ƭaq xaaliis fa nqoolu.

A ƭomatax ake 5:8

Faɗ na maadooxaa took in, too i njegee oxaa mucilna a in na xa ƥay den.