Nehemi 5:12 - NQAARIIT NE ROOG

¹² A ndoona yee: «Xan i nomit ke i njangna too i laackee a den dara, xan i mbi ke layoona.» Maaga, xoyaam saasadax waa soo daaɓooxnoor raarawnit we mbaambir den o ndam ke da ndegit’ina.

Nehemi 5:12 Referans Kwoze

Esdaraas 10:5

Maaga, Esdaraas a inooxa, a daaɓooxnoor aa-adax we no saasadax we, we no Leelewi we fo we na xeet fee fop ee xan a mbi ke layeena, too a ndaaɓooxaan.

YEGIL MBAAX NE YEESU ne Lik a bindtuuna 19:8

Kaa koy, Sake a inooxa, a geenoox soo a lay o Yaal oxe yee: «O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»

Mace 26:63

Yeesu kaa tiimoogu. O saasadax o maak oxaa a dakooxaan o lay ee: «Mexe daaɓoortan a Roog fa ñoow jok fee! Layi a in ndax wo refu Kiristaa fee o Muumucil oxe regteena, refna o Ƥeenqe Roog?»

Nehemi 13:25

Xasanaam a den soo saloox a den. Xawaam leng-leng na den soo ɓuut wiil den. Cinj kaaga, daaɓooxnooraam a den no gon Roog da mbañ o ci’tat xa ƥiy den a tolax me no goor jan we mbaat da ngilgan xa ƥiy xa koor axe den mbaat a qoox den rew jan.

Nehemi 10:31

In we ngebooxaa yee i ci’kee qeet ke no saax le xa ƥiy xa tew axe in too i ngilgankee xa ƥiy xa koor axe in xa ƥiy xa tew axe den.

Nehemi 10:29

Lakas we na xeet fee fop, saasadax we, Leelewi we, yeeyetax we na xa ton-maax axe no Mbind Roog ne, giigim we no Mbind Roog ne, diidimle we no Mbind Roog ne fo fop we nqaajoorna fo qeet can ke, ndax da ndeef kebil ke Roog den, den fo rew den, xa ƥiy den xa koor fo xa tew, fop we mbadna o and a ƭat,

Esdaraas 10:12

Mbokatax naa fop a ndoona a maak ee: «Ndigil kak oo! In kañ mbaru o mbi ne laytanoona.

Nehemi 5:11

Xaye fee xaye sax, fat nu ƥoxot a den xa qol den, a ƭing taxar biiñ den, a ƭing taxar oliiw den fo pind den, nomit a den a seek ale na xaaliis fee, bele fee, biiñ fee fa diwliin fee nu laac’ina a den nen ndimand.»

Nehemi 10:30

den fop a mbokatooriida fo fog den we moƴeena o niw a ndeer den. A ndaaɓooxa soo a ndegit ee xan a ndeef a cangin ale Roog a cooxitna na pexey Moyiis fee o tag um, a ngay soo a mbadin kebil ke no Yaal oxe Roog in fop, bargal ke ten fo ke ta dalinna.