Nehemi 5:11 - NQAARIIT NE ROOG

¹¹ Xaye fee xaye sax, fat nu ƥoxot a den xa qol den, a ƭing taxar biiñ den, a ƭing taxar oliiw den fo pind den, nomit a den a seek ale na xaaliis fee, bele fee, biiñ fee fa diwliin fee nu laac’ina a den nen ndimand.»

Nehemi 5:11 Referans Kwoze

Esayi 58:6

Keeke refu koor ne buguuma: Ten refu yee o wokit we ngumteena ceen took o hup doole, ɗeg ŋaƭir ke no kadoor ke da ireena, we na toroxandeel, o fi da njeg a qoox den, ɓol kadoor ke fop.

YEGIL MBAAX NE YEESU ne Lik a bindtuuna 3:8

Saqyo boog a pi akaa lalitna yee nu mbesa pakaad nuun a cinj. Ba nu layat na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

2 Sami’el 12:6

Ne ta fi’na keene took o ñak yirmande, a wara o dakin o mbaal onqe boo a caf a nahak.»

1 Sami’el 12:3

Mexey mbaambir nuun! Um jegangaa ƥanjel, ƥanjaamoo mbaambir no Yaal oxe fo mbaambir o maad oxe ta jilna. Ndax jangaam nqoox no kiin mbaat o faam um? Ndax naxaam o kiin mbaat um toroxandin? Ndax mosaam o jaɓ neexil no kiin ndax ga’kiim a pi um? A refangaa, too a jega, xam nomit a nuun baasnoor.»

A cangatin ale 6:11

fo pind kaa naangna muut fo kalal kaa nu mbokateerna fo kas kaa nu mbaqeerna fo taxar biiñ fo taxar oliiw kaa nu njimbeerna. Yaa nu ñaamkaa teen boo naang tem,

Nehemi 5:10

Mi itam, fog es fo dag es, i ƥanda a den xaaliis fa bele. Fat i mbaas boog ke da saqanna a in.

Nehemi 5:12

A ndoona yee: «Xan i nomit ke i njangna too i laackee a den dara, xan i mbi ke layoona.» Maaga, xoyaam saasadax waa soo daaɓooxnoor raarawnit we mbaambir den o ndam ke da ndegit’ina.