Nehemi 5:10 - NQAARIIT NE ROOG

¹⁰ Mi itam, fog es fo dag es, i ƥanda a den xaaliis fa bele. Fat i mbaas boog ke da saqanna a in.

Nehemi 5:10 Referans Kwoze

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

2 Korint 5:20

In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.

2 Korint 5:11

Neene boog, i anda ke refna o saɗar o Yaal oxe, too kaa i mbaaƭaa maa i njegitna wiin we. Roog koy, a anda a in, too yaakaaraam ee nuun fa qoox nuun kam a yiif nuun, nu anda ke i ndefna itam.

Mise 2:1

Sabab took no we na yuuɓaa paaxeer, a ƭaapaa njofaƭar, yaa da mbondooxna o yeng sax! Njeeƈ ne xaa wataa, da mbadnin, yaam a mbaagin.

Heseki’el 18:13

a rawnitaa took o yaakaar teen tig, a hupal no rimand o lad um, ndax xan a ñoow? Ha’aa, ñoowkee! A fi’a cednooxu keene fop, too a woora yee xan a xon, a gadoox fo’oy um.

Heseki’el 18:8

Rawnitkee took o yaakaar teen tig, hupalkee no rimand o lad um, fi’kee njofaƭar, too a hate’taa o cofel ndeer o kiin fo o kend um.

A kim a tedu ke 15:5

Ɓanditkee xaaliis ndax ta rimandin too jaɓkee gerel ndax ta seede’an o cofu xe cegeer. Oxuu na fesooraa neene, tolofkee muk.

Nehemi 5:7

Hebooxaam o xasan maak we fo kelfa ke too layaam a den ee: «Kaa nu laacaa fog nuun ndimand ngupu, yaa nu ƥandaa a den xaaliis!» Cinj kaaga, xoytaam mbokatax maak, ndax mbir den a ɓaalel.

Nehemi 5:9

Layahinaam a den ee: «Ke nu mbi’aa faaxee! Kaa nu mbar o ñaaƴ no saɗar a Roog in, ndax qeet ke fañ in mbenkee a in.

Nehemi 5:11

Xaye fee xaye sax, fat nu ƥoxot a den xa qol den, a ƭing taxar biiñ den, a ƭing taxar oliiw den fo pind den, nomit a den a seek ale na xaaliis fee, bele fee, biiñ fee fa diwliin fee nu laac’ina a den nen ndimand.»

Esayi 58:6

Keeke refu koor ne buguuma: Ten refu yee o wokit we ngumteena ceen took o hup doole, ɗeg ŋaƭir ke no kadoor ke da ireena, we na toroxandeel, o fi da njeg a qoox den, ɓol kadoor ke fop.

A cangatin ale 15:2

Neeke wargal fee a reefitkeel: Yaa o hiid ole no baasanit ne na xa lad axe a yegnitkeel no tedaanga no Yaal oxe, we ndawinna gend den xaaliis fop mbaratee o ndabdinoox. Mbaree muk o ser gend den fo fog den Ii-isra’el weene, ndax da ndabid a den xa lad axe.

Nehemi 10:32

We no saax le a njikooxiidangaa cula mbaat ñaamluwel kuu ta waagna o ref, na bes fee na ñootnax ale mbaat na bes fa tedu fa lakas, i njikitkee na den dara. O hiid ɓetuu ɗikandeer oluu refna xan i ñarin lanq ke, mbaasanit xa lad axe fop.

Heseki’el 18:7

Ñoowitkee onj no kiin, a daknaa ke ta tayle’eena no lad, guuɗkee, a ci’aa o qeexe xe ta ñaam soo a ñiraa o ƥangde xe.