Nehemi 4:14 - NQAARIIT NE ROOG

¹⁴ Mbokatooriidyo me in, no mbiñ onqe nu nanitkaa a luuƥ ale. Xan Roog in a ñoxoran a in.»

Nehemi 4:14 Referans Kwoze

2 Sami’el 10:12

Saqi njambaar boog, too i saƭakinoox yaam xeet in fo teeru ke Roog in. Fat o Yaal oxe a fi ke jofooxuuna!»

A lim ale 14:9

Kaa rek, ba nu siiknoor fo o Yaal oxe, too ba nu saɗar we ngenna no saax leene, yaam xan i kalɓasoox a den. Njegatee a roog fa leng faa na saytooxaa a den, ndaa in o mat, o Yaal oxe xe fa in. Ba nu saɗar a den boog.»

Hebre 13:6

Ten taxu i mbaag o lay fo a koolax ee: «O Yaal oxe refu oxe na ƴufgiidaxam, saɗariim dara. Xar o kiin a waagankaxam?»

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

A kim a tedu ke 66:3

Layyo a Roog ee: «A pi ake wo a magna koy! Fañ of kaa ƥoodaa mbaambir of yaam katil maak ne wo.

A kim a tedu ke 65:5

Oxe jiloona soo matandiidin, ndax ta gen me wo, a ɗaaya. Xan i ngiñ tem no ɗaay ole no mbind of fo no tedel ole no ngenand ne wo.

A kim a tedu ke 20:7

Ndiiki koy, andaam ee o Yaal oxe kaa ƴufgaa oxe ta ɗuumna. Kaa jaaɓtan na asamaan fa tedu fee ten, a muclitin a ñamaak a mayu katil um.

Nehemi 1:5

soo lay ee: «Ey, o Yaal oxe Roog fee na asamaan, Roog fa maak fa saɗarnooxu fee, wo fee na geekaa ngiɓoor ne soo laltaa yirmande no we mbexoonga too a ngayaa kebil of,

2 Caloori ke 32:7

«Saƭakinooxyo too saq njambaar, ba nu saɗar too ba nu ndiid mbaambir no maad oxe Asuur fo mbaambir faan le yoonna fo ten, yaam oxe refna fa in hupu oxe refna fo ten.

Yosuwe 1:9

Ba o weec ee mi layong ee saƭakinooxi too saq njambaar. Ba o saɗar boog too ba o diid, yaam mi o Yaal oxe Roog of mexey fa wo muu o retaa.»

A cangatin ale 10:17

O Yaal oxe Roog nuun refu Roog fee no roog ke, o Yaal oxe no yaal we, Roog fa maak fa njegu doole fa saɗarnooxu fee naageerna o samtirandaa wiin we too jaɓee gerel.

A cangatin ale 1:21

Nga’angyo! O Yaal oxe Roog nuun xan a ci a nuun saax lene. Ndetyo njangin, ne o Yaal oxe Roog fee no daan nuun a laytuuna a nuun. Ba nu ndiid too ba nu saɗar.›

A kim a tedu ke 143:5

Kaam wetandooxaa a pe ake yaaga, ɓaalaa taa kam es a pi ake wo fop, yiifaa ke xa ƥay of a njalna.

A kim a tedu ke 66:5

Ngaryo nga a pi ake Roog! A pi um kaa saɗarnoox na xa ƥiy Aadama.

A kim a tedu ke 46:11

Kaa tee: «Ngeenooxyo too and ee mi refu Roog. Mi na maadooxaa took a saax ake. Mi na maadooxaa took adna fee fop.»

A kim a tedu ke 27:1

A kim alaa fogna na ke Dawid oo. O Yaal oxe refu a qoolaand es fo o Muumucil es, an helum o fit? O Yaal oxe refu njaɓnooxand o ñoow es, ndi an um saɗarkaa?

Ke bindeena no xe ne’eena YOB 37:22

No ɓemb-roog o janoon a qoolaand alaa saxitna nen wurus a inooraa. Cey, ndaw ne o magnel ole Roog a saɗarnooxitna!

O baawaare xe 12:1

Wetandooxi o Saasak of yaa fo ndeƥandoong of, boo ñaal taamaala ke a ngelko fo ngaraa, soo xa kiid axe mbeleeroonga a mbadiid,

A sutax ale 14:14

Xan o Yaal oxe a ñoxoran a nuun, kaa koy, naagyo tek.»

A sutax ale 14:25

A pala a caf ake na sareet ake den, a moƴ o ɗomand a ñaaƈ ale. Maaga, Miimisira we a layra yee: «Fat i ƈuf Ii-isra’el we, yaam o Yaal oxe kaa ñoxoranaa a den.»

Haahate we 3:27

Yaa ta fadiidna rek, a dalfooxa o luuƥ kam o jegel olaa no joong olaa Efrayim ndax ta fokat Ii-isra’el we. Cinj kaaga, a adooxana a den, da mbudoortiid no joong olaa.

Dañel 11:32

Xan a soobaa wiin we mbesna a cinj ngiɓoor tedu ne, da saƭik teen. Kaa koy, fop we andna a Roog xan a saƭik no damax den.

Sakari 14:3

Maaga, o Yaal oxe xan a gomir fo qeet keene, a xire fa den ne ta mer’uuna fi’taa yaa fa xire.