Nehemi 4:10 - NQAARIIT NE ROOG

¹⁰ Kaa koy, no kaa xotitna no ñaal naaga, genwal fee no wiin es soom njaloogatu, soo genwal fa lakas fee a saq a salma ke, pegoor ke, a qali ke fo toki celem ke. Kelfa ke kaa yetooxoogu wiin we Yudaa fop.

Nehemi 4:10 Referans Kwoze

Safe le no tuleer AGE 1:2

O Yaal oxe Hupna fop kaa tee: «Xeet fene kaa layaa yee waxtu fee Mbind Roog ne a wareena o maxatin fadafulee.»

Heseki’el 29:18

«Wo fee o ƥiy no kiin, Nebukadnesaar fee o maad oxe Babilon a jalnoora xiixire we ten boo da nqij, ndax ta song a Tiir. A qoox ake fop a meela, a kand ake fop a ƥurdoox, too xottee na Tiir ndabid leng, refee ten mbaat xiixire um, no calel ke ta fi’na took Tiir.

A lim ale 32:9

A ndeta boo na yulanq alaa no Tuunq biiñ kaa, a ngoroox saax le, too yaa da ngatna, a leeƈa cer no Ii-isra’el lakas we, ndax ndetkee no saax le o Yaal oxe a ci’na a den.

A lim ale 13:31

Kaa koy, goor we yoon’ina fo ten a laya yee: «I mbaagee o song wiin weene, yaam den ngupu a in doole tigi.»

2 Caloori ke 34:13

too den yetooxoogu rooroxondax we, a ngadoox fop we njaloogna. A jeg’a itam Leelewi lakas: Biibind we, we saq’ina a ñaaƈnooƭ ale fo yeeyetax we na xa ton-maax axe.

Nehemi 4:2

Den fop a yekoora no songiid a Yeerusaleem, a njaxasin.

Nehemi 4:9

Ye fañ we in a yegna yee i maƭooxe, Roog a kasaara’na yuuƥ ne den, too in fop i nomtooxa no saŋe ne, oxuu refna no calel um.

Nehemi 4:11

We maxoogna saŋe ne fo we ngadooxoogna mbaat da sufaa a toq ake, ɓay leng a njaltoogu soo o lakas ole a pokoox ƥonax.