Nehemi 3:16 - NQAARIIT NE ROOG

¹⁶ Kaltaa um, Nehemi fee o ƥiy Asbuk kelfa’oogna genwal fee no fiisel ole Bet-Suur a jalooga boo maa jasnoorna fo poy ke Dawidiin, a suur boo na mbeel ale waqeena fo no ngenand ne no xir say we.

Nehemi 3:16 Referans Kwoze

A pi ake 2:29

Fog es, waagaam o lay a nuun booru no kaa farna no taan in Dawid ee a xona, a gasel, too a mboy um oxey a ndeer in boo ndiik.

Nehemi 3:12

Denda fa den, Saalum fee o ƥiy Halohes kelfa’oogna genwal fa lakas fee no fiisel ole Yeerusaleem a jalooga fo xa ƥeem xa tew.

Nehemi 3:9

Denda fa den, Refaya fee o ƥiy Xuur, kelfa’oogna genwal fee no fiisel ole Yeerusaleem, a jalooga.

2 Maad we 20:20

Ke yoqna na pi ake Hiskiya fo njambaar ne ten, fo ne ta maxitna mband fo a ƥaaxaand um, ndax ta ɓisiid foofi kam Yeerusaleem, kaa mbindel no «Safe le no caloori ke no maad we Yudaa».

Esayi 22:11

Nu mbi’a mbalka ndeer saŋe ƭik ke, ndax poofi ke no mbalka ngiid ne a caarooxaa teen, ndaa nu ƭeetee no xe fi’na keene too nu nga’ee oxe jagand’uuna no miñu kaa.

Esayi 7:3

Maaga, o Yaal oxe a laya a Esayi yee: «Sutooxi boog xetik fa Ahas, yoon fa Se’aar-Yasuub fee o ƥeef. Xan o soƥin farna fo cat naa na ƥaaxaand alaa no mbalka took naa, na ƭat alaa no qol olaa no qaaxaaɗ oxe.

Nehemi 3:14

Malkiya fee o ƥiy Rekab kelfa’oogna o fiisel ole Bet-Hakerem a xendanda Ndokand ne no suqi ke. A maxatinaan, a wad teen begax ke, begir ke fo a kinglir ake.

Yosuwe 15:58

A jeg’ahina Halhul, Bet-Suur, Gedoor,

A kim ale na kim ake 3:7

Njong ne Salomo a meeɓteel oo, goor qarɓeen ɓetuu fa leng no xir say we Isra’el a ndeerin,

2 Caloori ke 16:14

soo a gasel na mboy ale ta fi’in’ina kam a ƥak ale Dawid. O dal ole ten kaa doon’el no njong naa da njuum’ina qeeñe-xeeñe mayu kaa mbogreerna too jaajaxas cuuraay we a mbi’’un, soo a ngeƥandanin ƈulfaan maak.

2 Caloori ke 11:7

Bet-Suur, Sooko, Adulaam,

1 Caloori ke 2:45

Samay a rim a Mawon, soo Mawon a rim a Bet-Suur.

Nehemi 3:17

Kaltaa um, Leelewi wene a njalooga: Rehum fee o ƥiy Bani, soo denda fo ten Hasabiya fee kelfa’oogna genwal fee no fiisel ole Keyla a jalanooga o fiisel um.

O baawaare xe 2:6

Jalnaam palka, ndax um soorit poofi ke den suungaan taxar teɓ ƥor keene.

Esayi 22:9

Nu nga’a xa kef xa mayu no saŋe ne na teeru fee Dawid. Nu yaxandooxa foofi no mbalka ne a lanq.

Nehemi 2:14

Suuraam boo no Ndokand naa na cur ale fo no Mbalka naa no maad oxe, too njegel ne ŋaay’uuma jeg’atee maa ta suuritna.