Nehemi 2:7 - NQAARIIT NE ROOG

⁷ Layahinaam o maad oxe yee: «Daali maad, a soƥangaa yee a jofooxaang, fat um cooxel xa leetar axaa um lalkaa gofornoor ke na xa cegel axe no mudand ne no xuluɓ ole Ofrat, ndax da nqaƴaam um suur boo yaa um fadkaa Yudaa.

Nehemi 2:7 Referans Kwoze

Esdaraas 7:21

Mi o maad Artaserkesees, mexe heblaa geegeek xaaliis we no mudand ne no xuluɓ ole Ofrat fop da mbi deŋ fop ke Esdaraas fee o saasadax, too a ref itam o caajangin oxaa andna a paax kebil ke na Roog fee na asamaan a laackaa a den.

Nehemi 2:9

Maaga, retaam maa no gofornoor ke no jegel olaa no mudand ne no xuluɓ ole Ofrat soo ɓoxot a den xa leetar axe no maad oxe. O maad oxe a yoonandit’axam aa-adax no xiixire fo ŋaaŋaay pis.

Esdaraas 8:36

Cinj kaaga, a ndaawna we ndefanna o maad oxe fo gofornoor ke no mudand ne no xuluɓ ole Ofrat bargal ke no maad oxe, too weene a ndamta xeet fee fo Mbind Roog ne.

Esdaraas 6:6

Ndiiki koy, wo Tatenay, gofornoor fee no mudand ne no xuluɓ ole Ofrat, Setar-Bosnay fo gend nuun we Afarsak ngenna no mudand ne no xuluɓ ole Ofrat, baa a ƭat nuun a yongat teen.

Esdaraas 8:22

Sedkoogaam o laamit o maad oxe o njengel fo ŋaaŋaay pis, ndax da saytoox a in no fañ we na ƭat ale, yaam kaa i lay’u o maad oxe yee: «Roog in kaa saytooxaa no paaxel um fop we na mbaaƭan, ndaa fuux um kaa dalaa fa doole took no we na mbaasan.»

Nehemi 3:7

Denda fa den Melatiya, o Kiigibe’on oxe, Yadon, o Meemeronot oxe, wiin we Gibe’on fo we Mispa a njalooga paam ngenand ne na gofornoor fee no jegel ole no mudand ne no xuluɓ ole Ofrat.