Nehemi 2:20 - NQAARIIT NE ROOG

²⁰ Doonaam a den ee: «Xan Roog fee na asamaan a fi boo fop in a ñaaƴ. In we dag um, xan i inoox, max, ndaa nuun o mat, nu njegee a las mbaat wargal kam Yeerusaleem, too o leng wetandooxkee a nuun teen.»

Nehemi 2:20 Referans Kwoze

A pi ake 8:21

Jegiro a las mbaat cer no keene, yaam xeeñ of kaa jofaƭar mbaambir Roog.

Esdaraas 4:3

Kaa koy, Serubabel, Yesuwa fo yaal ƥasil lakas ke no Ii-isra’el we a ndoona a den ee: «I mbaagee o mbokatoor fa nuun, ndax i maxan a Roog in Mbind, yaam in doŋ na maxankan o Yaal oxe Roog fee Isra’el, ne Kiirus fee o maad Persi a heblituuna a in.»

Nehemi 2:4

O maad oxe a laamtaxam ee: «Xar bugo bug um fi’anong?» Ndak fo ndak, xeɗaam a Roog fee na asamaan

A pi ake 10:31

a layaam ee: ‹Korney, Roog a nana a qeƭ of, too a wetandooxa sadax ke o fi’aa.

A kim a tedu ke 35:27

Fat we yoonna no ɓur le mi a njibin xa ƈeel, a mbelakinoox, a ngen no layaa yee: «O Yaal oxe a magna, ten oxe buganna o tag um jam.»

Esayi 56:5

xam ci a den kam tabax ke no Mbind ne mi a seek fo gon laa moƴna xa ƥiy xa koor fo xa tew. Xam coox a den gon laa ñufkateerna boo muk.

O baawaare xe 7:18

A faaxa, ndax o dam keene, too baa kaana a ɓostooxong. Oxe saɗarna a Roog kaa sutooxaa no keene fop.

A kim a tedu ke 51:18

O bug’angaa sadax, ɓoxotkoogaam a den, ndaa koy, sadax toxel ke sax mbelirang.

A kim a tedu ke 20:5

Yaasam ta ci’ong ke refna no xeeñ of, a fadin yuuƥ ke wo fop!

A pi ake 10:4

Korney a naaga malaaka faa jak a kid kam a kid, a diid bo. A doonaan ee: «O Yaal oxe, xar oo koy?» Maaga, malaaka fee a layaan ee: «A qeƭ ake wo fo sadax ke wo a mbadiida boo mbaambir Roog, too a wetandooxa a den.

Sakari 6:14

O ndip onqe xan a geekel no Mbind es, a wetandooreel a Helday fa Tobiya fa Yedaya fo o nayaƭar ole no ƥeenqe Sefaniya.› »

A kim a tedu ke 122:6

Salanyo a Yeerusaleem jam! Wo Yeerusaleem, yaasam we mbexoonga a ñoowaa no yaadax!

Esteer 4:11

«Dag we no maad oxe fo qeet ke na xa cegel axe no maat ne fop a anda yee oxuu rokna no maax-kam olaa no mbind no maad ne, ta ref o koor mbaat o tew, too o maad oxe xoyiran, xan a warel, ne ta bindteena no bargal ke. Oxaa o maad oxe a jooxna o samb wurus ole ten soom waagu o muc. O nqool o muum onqey onqaa o maad oxe a xoyeeraxama.»

2 Caloori ke 26:5

Ye Sakari a ñoowaa, a aqatinooga a Usiya ta saɗar a Roog. A waaƭooga o Yaal oxe Roog ci’ooguuna ne ta bugna ye ta gore’na no ten.

A lim ale 10:10

No qumbaare ke nuun fo no qew ke nuun fo na bat ale no nqool onquu refna, fat nu njibin a luuƥ akeene, yaa nu ƥoxotaa sadax toxel ke nuun fo sadax camsa’oor ke nuun. Keene xan a tax um wetandoox a nuun. Mi refu o Yaal oxe Roog nuun.»

A sutax ale 28:29

Neene, a mbanuu Aaroon a rokna no Mbiñ o tedu nqe, fat a rokoox safaƈ ne na ɗeetteel o bug ole Roog saqna a kon ake na xa ƥiy axe Isra’el, ta ref betandoor es fa den kili, mi o Yaal oxe.

A paɗax ale 24:7

Fat o doon cuuraay no ndondrand nuu refna, softin xa kaf axe, doxanaam o ten nen betandoor.

A paɗax ale 2:2

Fat a ɓisiidin saasadax we, ndefna xa ƥiy Aaroon. Fat o saasadax oxe a naq o ɓay o leng no mbiɗel ke, a jaxasin fa diwliin fee fa cuuraay fee fop, a dox keene took o sadaxand ole nen betandoor. Keene xan a ref sadax faa felna tuñ bo no Yaal oxe.

Nehemi 1:4

Ye nanuuma fa lay feene, moofaam, loolaa soo naqadiloox boo ñaal mayu. Kaam hooroogu, xeɗaa mbaambir Roog fee na asamaan

A kim a tedu ke 102:17

yaam o Yaal oxe xan a maxatin a Siyoŋ, soo a feeñoox no ndam um.