Nehemi 2:19 - NQAARIIT NE ROOG

¹⁹ Ye Sanbalat fee o Hoohoroni fa Tobiya fee o Aa-amon jaloogna no maat ne, fa Geesem fee o Araab, a yeguuna, a ndefa no nqaadnooxaa a in, a nqeef a in soo a layaa yee: «Xar nu mbi’aa? Ndax kaa nu siiknooraa fo o maad oxe?»

Nehemi 2:19 Referans Kwoze

Nehemi 6:6

Kaa bindel teen ee: «Ŋur-ŋur fee xe kur a ndeer qeet ke mbidna a in, too Geesem itam a layaxam ee wo fo Yaawuur we kaa nu yuuɓaa siiknoor. Ten taxu o maxatinaa saŋe ne. Kaa layeel itam ee kaa o bug o refat o maad den

Mark 5:40

Waa ndeeƭna maaga fop a nqaadnooxoogaan. Maaga, a suta a den den fop, a xot a faap fee fa yaay fee no njaaƈ onqe fo we yoon’ina fo ten itam, soo a rok me o njaaƈ onqe a reeƭna.

Hebre 11:36

Lakas o mat a njaɓa o ñawle’eel, a nqawel xa cap, boo leng-leng a njengel, soo a ƥekel kam kaso.

A pi ake 24:5

I anda yee oxene, o kiin taamaala tigi yoo. Kaa ɓisiidaa yaqoor a ndeer no Yaawuur we kam adna fee fop, too ten refu o aa-adax oxe na qaaj ale no Naanasaret we.

YEGIL MBAAX NE YEESU ne Saŋ a bindtuuna 19:12

No kaa xotitna na waxtu faaga, Pilaat kaa waaƭoogatu maa ta xaƴtuuna. Yaawuur we o mat kaa moƴ’u o mbalalooxaa yee: «O xaƴangaan ta ret, o and ee refiro xaariit Kesaar fee. Oxuu ne’ooxna meen o maad, o pañ Kesaar fee yoo.»

YEGIL MBAAX NE YEESU ne Lik a bindtuuna 23:2

Maaga, den fop a ndefa no njamban ee: «Kaa i soƥ o koor oxene a hoƥatrandaa xeet in, a yaqanaa wiin we da ndabid a Kesaar fee a bateer, kaa layooxaa yee ten refu Kiristaa fee, o maad oxe.»

Yeremi 20:8

A mbanuu haƥatuuma o don es, waraam o wuuq, yegnit a ƭom-yedar fo ñagadil. Fa lay fee no Yaal oxe na taxaxam o xaadnooxeel soo weneel bes fuu refna.

A kim a tedu ke 80:6

Kaa o ñaamnooraa a den mbuuru nquƥu fo xa kooniit, yernitaa a den xa kooniit xa ƭegreer.

A kim a tedu ke 79:4

Gentand we in owey mbenaa a in, we mbidna a in a nqaadnooxaa soo a njalaa a in.

Ke bindeena no xe ne’eena YOB 30:1

Ndiiki koy, kaam refat calat na xa koor xa teɓ axe, bug’eeruuma o fokat paap ke den fo xa ƥox axe mi, da yetooxaa ged es.

Nehemi 6:9

Den fop koy, a njeemooga o ndiidland a in, a layaa yee: «Xan xa ƥay den a ƥoloox, too calel ke mbi’kataand.» «O Yaal oxe, saƭakinaam no far es!»

Nehemi 4:1

Ye Sanbalat, Tobiya, Araab we, Aa-amon we fo Aa-Asdod we a yegna yee a qendand ale no saŋe ke Yeerusaleem a ñaaƴa too xa kef axe we suxeel, a mbuuxa boo a mbuɓaa.

Nehemi 2:10

Ye Sanbalat fee o Hoohoroni fa Tobiya fee o Aa-amon jaloogna no maat ne a yeguuna, sawar’ee tus no ke o kiin a garna, ndax ta jal kaa faaxna no Ii-isra’el we.

Mace 9:24

a laya a den ee: «Ndiƈatooxyo, yaam o ndoog onqe xonee, kaa ɗaanaa soom.» Maaga, wiin mayu a nqaadnooxooga a Yeesu.

Nehemi 13:28

O leng na xa ƥiy axe Yehoyada, a ref o ndaan Eliyasib fee o saasadax o maak, kaa reeƭu o seemir Sanbalat fee o Hoohoroni. Ten taxu um raxin ta goƭaam.

A kim a tedu ke 123:4

O laaw in bugatee o ga o nqaadnax onqe no felnooxu we fo o xeefel ole magnandooxu we a ndoonaa a in.

Yeremi 41:10

Cinj kaaga, Isma’el a dama mbaƭ yoqatin we na xeet fee fop ndeeƭna Mispa, boo na xa ƥiy xa tew axe no maad oxe sax, fop daal we Nebusaradan fee adooxanna yeeyetax we no maad oxe a doxin’ina a Gedaliya fee o ƥiy Ahikam. Isma’el a ɓisa a den nen faɗ, a jagin maa no Aa-amon waa.

A kim a tedu ke 80:7

Kaa o fi a in o ngar fo ndaawir no qeet kentand in, fañ we in a nqaadnooxaa a in.

Esayi 36:5

Foogaa moos ee fa lay fa ƥor a waaga o ref o as fa doole fa nqire’ir. Ndiiki koy, an hoolooxo boo saɗ o siiknoor fa mi?