Nehemi 2:17 - NQAARIIT NE ROOG

¹⁷ Maaga, layaam a den ee: «Nu nga’a naqad fee i ndefitna de! Yeerusaleem a gefe tuƈ, soo begax ke ten a ndoxel riw. Acayo i maxatin saŋe ke ten, too yaaga i niwaƭarkataand.»

Nehemi 2:17 Referans Kwoze

Heseki’el 5:14

Xam fi’ong o fes a pec, o mbiñ onqaa niwaƭareena a ndeer a saax ake mbidoonga, na kid no dak-a-faaf we fop.

Nehemi 1:3

A ndoonaxam ee: «We nomtoortiid’ina no mbaƭ naa owaay maaga, no jegel olaa Yudaa, a ndef no ñaat o ɗomu fo na gaci fa maak. Saŋe ne Yeerusaleem kaa jeg xa kur soo begax ke ten a ndoxel riw.»

A kim a tedu ke 79:4

Gentand we in owey mbenaa a in, we mbidna a in a nqaadnooxaa soo a njalaa a in.

A ƭomatax ake 3:51

Kaam jegaa naa ɗomaxama, yaa um ga’aa ke na dalaa mboƥ ndoog ne na teeru es.

A ƭomatax ake 2:2

O Yaal oxe a yaqa kenand ke Yakoob fop too yirmiran. Kam fuux ɗomu le ten a jiƭta saŋe ke no saax le Yudaa, o ndoog onqe, a bereng a den a lanq, a maasand maat ne fo kelfa ke ten.

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

A kim a tedu ke 79:12

O Yaal oxe, nomti qeet kentand ke in boo a caf ɓetaa ƭaq a ben ake da mbenoonga.

A kim a tedu ke 44:13

Jikooraa xeet of njigand ngeesu, fañ o ɓaat njigand um, ndax ta ɗaxong tig.

1 Sami’el 11:2

Naahas, o Aa-amon oxe a doona a den ee: «Xam dalnin fa nuun, yaa andoona yee kaa nu njaɓ um yul a ngid a ñamaak no xuu refna na nuun. Neene, xam tax Ii-isra’el we fop a niwaƭarel.»

Nehemi 2:13

No yeng olaaga reefaam no Ndokand naa na yulanq ale, jagin na cur alaa ɓaanoor fo no Ndokand naa no suqi ke. Kaam horooxoogu saŋe ke Yeerusaleem njeg’ina xa kef fo begax ke ten ndox’ina riw.

Nehemi 2:16

Kelfa ke na teeru fee and’ee me ret’uuma, ne’atiim ke fi’ooguuma. Boo na waxtu faaga, wetandoox’iim dara Yaawuur we mbaat sax saasadax we mbaat garmi ke mbaat kelfa ke mbaat lakas waa saqna o far.

Nehemi 3:15

Saalum fee o ƥiy Kol-Hose kelfa’oogna o fiisel ole Mispa a xendanda Ndokand ne na cur ale. A maxatinaan, a bombin, a wad teen begax ke, begir ke fo a kinglir ake. A xendanda itam saŋe ne na mbeel ale na Ƥaaxaand ale, paam a ƭing ale no maad oxe, boo no toŋ-toŋ ole fudoortiidna na teeru fee Dawid.

Esdaraas 9:9

Faɗ i ndefu, ndaa kam mbaƭ ne in Roog in waasee a in. A fi’a boo maad we Persi a lal a in o paaxel, a nqaƴ a in i ñoowatin. A ci’a a in i maxatin Mbind ne Roog in, yoɗatin kefatin ke ten, soo a ci a in o laqooxand o wooru kam Yudaa fa Yeerusaleem.

A kim a tedu ke 44:14

Kaa o xaƴ a in ngentand ne a mbenaa a in, we mbidna a in a nqaadnooxaa a in, i ndef calat den.

A kim a tedu ke 102:15

In we dag of, i mbexa a ƥil ake Yeerusaleem, yirim kefatin ke ten.

Mise 7:11

Ñaal ney a garaa naa saŋe ke na teeru fee nuun a maxatinkeel. A koom, xan xa ŋat axe nuun a ƭaayel.