Nehemi 2:15 - NQAARIIT NE ROOG

¹⁵ Maaga, ɓeraam kam o yeng ole, reef na yulanq ale Kederon soo ref no horooxaa saŋe ne. Cinj kaaga, nomtooxiidaam, gattiid no Ndokand naa na yulanq ale.

Nehemi 2:15 Referans Kwoze

2 Sami’el 15:23

Saax laa fop kaa mbaɗooxoogu, ye faan leene a mbaanaa. O maad oxe itam a xaaña a ƈufnand alaa Kederon, soo ten fo yoon um, da njang a ƭat ale jaginna na koƥ-a-ƥor alaa.

YEGIL MBAAX NE YEESU ne Saŋ a bindtuuna 18:1

Yaa Yeesu a layna neene boo a ƴut, a inooxa fo daalbe um, a njoot a Ƈufnand alaa Kederon, soo a ndok na ƭing alaa reeƭna maaga.

2 Caloori ke 26:9

Usiya a maxa taax-took kam Yeerusaleem took Ndokand ne no kooñ ne fo took Ndokand ne na yulanq ale fo took Kooñ ne, soo a saƭkand a den.

Nehemi 2:16

Kelfa ke na teeru fee and’ee me ret’uuma, ne’atiim ke fi’ooguuma. Boo na waxtu faaga, wetandoox’iim dara Yaawuur we mbaat sax saasadax we mbaat garmi ke mbaat kelfa ke mbaat lakas waa saqna o far.

Nehemi 3:13

Hanuun fo we ngenna Sanowa a nqendanda Ndokand ne na yulanq ale. A maxatinaan, a mbad teen begax ke, begir ke fo a kinglir ake. A maxatina itam xa noonoong juni no saŋe ne boo no Ndokand ne no suqi ke.