Nehemi 2:13 - NQAARIIT NE ROOG

¹³ No yeng olaaga reefaam no Ndokand naa na yulanq ale, jagin na cur alaa ɓaanoor fo no Ndokand naa no suqi ke. Kaam horooxoogu saŋe ke Yeerusaleem njeg’ina xa kef fo begax ke ten ndox’ina riw.

Nehemi 2:13 Referans Kwoze

Nehemi 1:3

A ndoonaxam ee: «We nomtoortiid’ina no mbaƭ naa owaay maaga, no jegel olaa Yudaa, a ndef no ñaat o ɗomu fo na gaci fa maak. Saŋe ne Yeerusaleem kaa jeg xa kur soo begax ke ten a ndoxel riw.»

Nehemi 2:17

Maaga, layaam a den ee: «Nu nga’a naqad fee i ndefitna de! Yeerusaleem a gefe tuƈ, soo begax ke ten a ndoxel riw. Acayo i maxatin saŋe ke ten, too yaaga i niwaƭarkataand.»

Nehemi 2:3

ndaa layaanum ee: «Yaasam o maad oxe a ñoowaa boo faw! Xar taxu gooykiim, too teeru fee daan es a ngaseena a yaqel soo begax ke ten a ndoxel riw?»

2 Caloori ke 26:9

Usiya a maxa taax-took kam Yeerusaleem took Ndokand ne no kooñ ne fo took Ndokand ne na yulanq ale fo took Kooñ ne, soo a saƭkand a den.

Nehemi 12:31

Ŋaaynaam kelfa ke Yudaa took saŋe ne soo fi a yaj a ƭak a maak no giigim. A leng ale a jagna no saax o ñamaak took saŋe ne, farna fo Ndokand naa no suqi ke.

Nehemi 2:15

Maaga, ɓeraam kam o yeng ole, reef na yulanq ale Kederon soo ref no horooxaa saŋe ne. Cinj kaaga, nomtooxiidaam, gattiid no Ndokand naa na yulanq ale.

Yeremi 5:10

Ŋaayyo saŋe ke ten, yaq a ƭing taxar biiñ ale mi, ndaa ba nu ngefin tuƈ. Mbaridyo xa par axe ten, jegeeruuma, mi o Yaal oxe.

Nehemi 2:12

Cinj kaaga, sutooxaam o yeng, mi fo goor leng-leng, ndaa wetandoox’iim o leng ke Roog es a ɓek’ina no yiif es, ndax um fi’anin a Yeerusaleem. Saq’iim njegel lakas a refangee ne um ŋaayaa.