12 Cinj kaaga, sutooxaam o yeng, mi fo goor leng-leng, ndaa wetandoox’iim o leng ke Roog es a ɓek’ina no yiif es, ndax um fi’anin a Yeerusaleem. Saq’iim njegel lakas a refangee ne um ŋaayaa.
Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.
Xam dalin fa den ngiɓoor naa na refkaa boo faw, neene feskatiim a den a cinj, ndaa xam fi’an a den paax, ɓek na qeeñ den o saɗaraam, ndax saytoorkatee fa mi.
Gedeyon a jila goor xarɓaxay no dag we ten soo a fi ke o Yaal oxe a hebil’uuna. Kaa koy, o yeng a fi’un, saɗiran o fi ñaal yaam a saɗaraa ƥasil um fo we na teeru fee.
No yeng olaaga reefaam no Ndokand naa na yulanq ale, jagin na cur alaa ɓaanoor fo no Ndokand naa no suqi ke. Kaam horooxoogu saŋe ke Yeerusaleem njeg’ina xa kef fo begax ke ten ndox’ina riw.