Nehemi 2:10 - NQAARIIT NE ROOG

¹⁰ Ye Sanbalat fee o Hoohoroni fa Tobiya fee o Aa-amon jaloogna no maat ne a yeguuna, sawar’ee tus no ke o kiin a garna, ndax ta jal kaa faaxna no Ii-isra’el we.

Nehemi 2:10 Referans Kwoze

Nehemi 4:7

Maaga, payandaam xeet fee ɗuga fo mbiñ ne laqa saŋe ne, maa naagna halit, reefandin na qaw den, da ƥonoox laƥ, a salma fo a qali.

Nehemi 2:19

Ye Sanbalat fee o Hoohoroni fa Tobiya fee o Aa-amon jaloogna no maat ne, fa Geesem fee o Araab, a yeguuna, a ndefa no nqaadnooxaa a in, a nqeef a in soo a layaa yee: «Xar nu mbi’aa? Ndax kaa nu siiknooraa fo o maad oxe?»

Xa peƭit axe 27:4

Ngañak kaa yedin, fuux le a ref nen poofi kaa mbalna, naal koy, an waagun o xox?

Nehemi 13:4

Kaa adooxna kaaga, Eliyasib fee o saasadax gadin’e a topatax ale no fo ndok-o-mbulanq ne no Mbind ne Roog in. Ne ta reeƭna o pog Tobiya ŋaƈit,

Nehemi 6:1

Sanbalat, Tobiya, Geesem fee o Araab fo fañ in lakas we a yega yee saŋe ne maxatin’uuma jegatee xa ƥaƈit xa leng. Kaa koy, boo na waxtu faaga, wad’afuliim begax ke no tokand ke.

A pi ake 5:24

Yaa oxe adooxan’ina yeeyetax we no Mbind Roog naa fo saasadax maak waa a nanna fa lay faaga, a ndefa no nqalaataa no ne apootar waa a mo’itna. Kaa cungoogu ke na doonooxkaa no kaaga.

A pi ake 4:2

Sawar’ee tus yaam ne Piyeeriin a njangnoogna xeet fee, a yegnitaa yee a qontax ale Yeesu xan a tax xon we a nqontoox.

Yeremi 48:34

Xa buuq axe no we Hesebon a njiba boo Eleyale. O ñuxur den a nannooxa boo Yahas, a xotit Sowaar boo Horonayim, boo Eglat-Selisiya. Poofi ke Nimrim sax a ŋiisa.

Yeremi 48:5

We yoqna we ŋaayaa na teeru faa Luhit, a loolaa, soo na pudnand ale Horonayim fañ we a nanaa xa paɗax:

Esayi 15:5

Kam es kaa fag yaam Mowaab. We ƥostooxna no ten a ƈufa boo Sowaar fa Eglat-Selisiya. Kaa da ŋaayaa na teeru faa Luhit, a loolaa, soo na ƭat ale Horonayim da njibnaa xa paɗax.

O baawaare xe 10:7

Ga’aam faɗ took pis, soo gelwaar a ñaaƴaa nen faɗ.

Xa peƭit axe 30:22

o paɗ oxaa refatna o maad, fanxoy faa giñna tem,

A kim a tedu ke 112:10

O soxodu xe a seede’aan soo a fuux. Kaa ƴaxrandaa a ñiiñ, a sooyaa. A yuxum no soxodu we kaa kasaara’ooxaa.

Nehemi 13:1

Na jamaane faaga, safe le Moyiis a jangooge mbaambir xeet fee, too a ga’e teen maa ta bindeena yee Aa-amon we fo Moomowaab we mbaree muk o ndok no mbokatax ne no we na mbaɗooxaa a Roog,

Nehemi 6:16

Ye fañ we in fop a yeguuna, qeet ke mbidna a in a njega caƭar, a ngooy tigi. A nga’a yee maq ne no bug ole Roog in a fadnoorit’u.

Nehemi 13:28

O leng na xa ƥiy axe Yehoyada, a ref o ndaan Eliyasib fee o saasadax o maak, kaa reeƭu o seemir Sanbalat fee o Hoohoroni. Ten taxu um raxin ta goƭaam.

Esteer 10:3

A refangeerna o maad Asuwerus, jeg’ee kam maat ne oxaa hupna a Mordokay, o Yaawuur oxe. Yaawuur we fog um a niw’aan lool too a mbexin, yaam kaa waaƭoogu kaa faaxna na xeet um, soo a layanaa fog um kaa na jootinkaa a den o feet.

Yeremi 41:10

Cinj kaaga, Isma’el a dama mbaƭ yoqatin we na xeet fee fop ndeeƭna Mispa, boo na xa ƥiy xa tew axe no maad oxe sax, fop daal we Nebusaradan fee adooxanna yeeyetax we no maad oxe a doxin’ina a Gedaliya fee o ƥiy Ahikam. Isma’el a ɓisa a den nen faɗ, a jagin maa no Aa-amon waa.