Nehemi 13:5 - NQAARIIT NE ROOG

⁵ a beran’aan a ndok a maak alaa geektoogeena yaaga sadax tuufe-duufe ke, cuuraay fee, ƥaxañ ke, a seek xarɓaxayandeer ale na bele fee, na biiñ fa nqas fee fo na diwliin fee, reeƭna ke heblan’eena Leelewi we, giigim we no Mbind Roog ne fo yeeyetax we na xa ton-maax axe no Mbind Roog ne, fa sadax fee jagandaneena saasadax we.

Nehemi 13:5 Referans Kwoze

Nehemi 12:44

A koom, goor a ngadne a yetax ale no fo ndok fo-mbulanq ne, me sadax ke fo ke eetna o foor no duufe le fo a seek xarɓaxayandeer ake a ngeekoogeena. A sime itam o mbokataa teen a las ake no saasadax we fo ake no Leelewi we kebil ke a simit’ina, da ngat na xa qol axe no teeru ke. Yuuyudaa we a sawar’a no ke saasadax we fo Leelewi we a ndokatinna no far den.

Nehemi 10:38

Xan i ƥoxot saasadax we, kam toktal ke no Mbind ne Roog in, ke moƴna o mbaax no qiiw ke in, no ke i mbatinna na xa tim axe no taxar ke fop, na biiñ fa nqas fee fo na diwliin fee. Xan i coox Leelewi we a seek xarɓaxayandeer ale no ke lanq ke in a mbatkaa. Den fa qoox den na mbatniidkaa a seek xarɓaxayandeer aleene kam teeru ke i nqooxaa fop.

2 Caloori ke 34:11

A cooxa teen seesex we fo maamax we ndax da njik a ƥil a sexe ke fo a qanq ake fo itam ndax da yoɗatin tabax lakas kaa maad we Yudaa a nqaƴ’atna da yaqooxaa boo a yenat.

Nehemi 10:37

soo ƥoxot teen taaw koor ke in fo ke no cegel ke in, ne ta bindteena no kebil ke. Xan i ƥisiid itam kam Mbind ne Roog in taaw ke na xa siir axe in fo ke na ked ake, ndax i ƥoxot a den saasadax we na mbadnaa o far den kam Mbind ne Roog in.

Nehemi 13:7

kebil o nomtooxiid Yeerusaleem. Maaga, ga’aam paaxeer ke Eliyasib a fi’’ina, ye ta beran’ina a Tobiya a ndok na xa maax axe no Mbind Roog ne.

Heseki’el 40:38

A jeg’a a ndok alaa wetoortoogna no fo ndambalaan ne na xa ton-maax axe. Meene sadax toxel ke a mbar’e o laxadtaa.

2 Caloori ke 31:11

O maad Hiskiya a hebla ndax toktal ke no Mbind ne no Yaal oxe a njagandel soo da ndalfoox o njagand a den.

Nehemi 10:36

I ngebooxa o ƥisiid itam o hiid oluu refna, kam Mbind ne no Yaal oxe, ke eetna o foor no lanq ke fo ke eetna o foor no taxar ke fop