Nehemi 13:23 - NQAARIIT NE ROOG

²³ Na jamaane fa leng kut faaga, ga’aam itam Yaawuur waa ngilig’ina rew Aa-asdod, Aa-amon fo Moomowaab.

Nehemi 13:23 Referans Kwoze

Nehemi 10:30

den fop a mbokatooriida fo fog den we moƴeena o niw a ndeer den. A ndaaɓooxa soo a ndegit ee xan a ndeef a cangin ale Roog a cooxitna na pexey Moyiis fee o tag um, a ngay soo a mbadin kebil ke no Yaal oxe Roog in fop, bargal ke ten fo ke ta dalinna.

Esdaraas 10:10

Esdaraas fee o saasadax a inooxa, a lay a den ee: «Nu mbi’a cageer, ye nu ndolnirna fo rew jan, soo ƥaat neene tooñ ne Isra’el.

2 Korint 6:14

Ba nu mbog kadoor leng fo gimeer we, yaam ndefee yoon nuun we ngelna. Nam boog o cofel ole a waagu o xaariitoorit fo njofaƭar ne? Ndi nam a qoolaand ale a waagu o hiɓoorit fo niɓaan ole?

Nehemi 13:1

Na jamaane faaga, safe le Moyiis a jangooge mbaambir xeet fee, too a ga’e teen maa ta bindeena yee Aa-amon we fo Moomowaab we mbaree muk o ndok no mbokatax ne no we na mbaɗooxaa a Roog,

Esdaraas 10:44

Weene fop kaa ndolnir’u fo rew jan too a ndaxa a den, den fo xa ƥiy den.

Nehemi 4:7

Maaga, payandaam xeet fee ɗuga fo mbiñ ne laqa saŋe ne, maa naagna halit, reefandin na qaw den, da ƥonoox laƥ, a salma fo a qali.

1 Sami’el 5:1

Ye Fiifilista we a njaɓitna arka ne Roog Eben-Eseer, a ƥisaan Asdod.

A sutax ale 34:11

Mbootooxyo o ƭap ke um hebilkaa a nuun xaye. Xam rax mbaambir nuun Aa-amori we, Kaakanaan we, Heeheet we, Peeperisi we, Hiihiwi we fo Yeeyebus we.

A cangatin ale 7:1

«Yaa o Yaal oxe Roog nuun a rokinkaa a nuun no saax le nu njangkaa ndax nu njegkin, xan a rax mbaambir nuun qeet mayu keeke: Heeheet we, Giigirgasi we, Aa-amori we, Kaakanaan we, Peeperisi we, Hiihiwi we fo Yeeyebus we, da ndef qeet ɓetuu ƭik kaa moƴna o may a nuun, a moƴ o njeg a nuun doole.

1 Maad we 11:1

O maad Salomo a bugir’a fo rew jan mayu, fogreerna fo o ƥiy o ndew onqe Firawon fee. Rew weene kaa ndeeƭu Moomowaab, Aa-amon, Ee-edoom, Siisidoŋ fo Heeheet,

Nehemi 13:24

Genwal fee na xa ƥiy axe den a Aa-asdod a layoogu, lakas a layaa lak xeet fa lakas, ndaa o leng na den waag’ee o lay lak fee no Yaawuur we.

Nehemi 13:27

Ndax i mbarata o nan ta layeel na nuun ee nu mbi’a ngore’aƭar maak na Roog in, yaa nu ngilgaa rew jan.»

Ruut 1:4

Weene, no Moomowaab we a ngilgit’u rew. O tew o leng oxe Orpa a ne’’e, o lakas oxe a ne’el Ruut. A ngenooga maaga boo ngap xa kiid xarɓaxay.

Nehemi 10:31

In we ngebooxaa yee i ci’kee qeet ke no saax le xa ƥiy xa tew axe in too i ngilgankee xa ƥiy xa koor axe in xa ƥiy xa tew axe den.