Nehemi 13:22 - NQAARIIT NE ROOG

²² Heblaam itam Leelewi we da ƥogdoox soo a yetooxiid tokand ke, ndax da tedland bes fee na ñootnax ale. «Roog es, wetandooxaam yaam keene itam too yirmaam yaam o paaxel o maak of!»

Nehemi 13:22 Referans Kwoze

Nehemi 12:30

Saasadax we fo Leelewi we a ƥogdinooxa soo a ƥogid xeet fee, tokand ke fo saŋe ne.

Nehemi 13:14

«Roog es, wetandooxaam yaam keene fop! Ba o weecit ngor ne jalantuuma Mbind Roog ne fo a paɗax ale ten.»

Nehemi 13:31

Dalnatinaam itam sadax ke na xa cuuƭ axe mbareena o ƥisiid no fo ngap ne simteena fo fee no ke eetna o foor no duufe le. «Roog es, wetandooxaam fo o paaxel.»

Esayi 49:23

Xan o jeg lingeer kaa na numnanang xa teɓandoong of fo maad waa na saqkaa a den. Xan a ngung mbaambir of, a metaa fo ut ole na caf of. Maaga, xan o and ee mi refu o Yaal oxe, too we yaakaaraxama sedkee muk.»

Esayi 38:3

Kaa layoogu yee: «Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

A kim a tedu ke 130:7

Isra’el, ɗagi yaakaar of no Yaal oxe, yaam me ten o mbeq a refu, too a bat ale oxey fo ten bo ta dey sik.

A kim a tedu ke 51:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

A kim a tedu ke 5:7

Kaa o saŋkaa maamaaɓ we, waawar we fo naanax we, o sib a den, wo o Yaal oxe.

Nehemi 12:10

Yesuwa rimu a Yoyakim, Yoyakim a rim a Eliyasib, Eliyasib a rim a Yoyada,

Nehemi 5:19

«Roog es, wetandooxaam fo o paaxel yaam fop ke fi’anuuma xeet fene.»

2 Caloori ke 29:30

Cinj kaaga, o maad Hiskiya fo kelfa ke a laya Leelewi we da simatit o Yaal oxe xa ƭelem axe Dawid fo axe Asaf fee o ƭeet oxe. Weene a simata o Yaal oxe fo o ɗaay, soo da ƈuug, a ngung.

2 Caloori ke 29:27

Hiskiya a laya yee fat sadax fa ndoxel fee a ɓoxotel took o sadaxand ole. Ye sadax fa ndoxel fee a ɓoxoteel, a kim ake no Yaal oxe a yoɗooxa, a luuƥ ake a njib, da yoonandtin pakir ke Dawid fee o maad Isra’el.

2 Caloori ke 29:24

Saasadax we a nqirsa a den soo a mbiis fo’oy le took o sadaxand ole nen sadax fa mbaasnoor pakaad fee na xeet fee Isra’el fop, yaam o maad oxe kaa lay’u yee sadax toxel ke fa sadax fa mbaasnoor pakaad fee, Isra’el fop a refankaa.

2 Maad we 23:4

O maad oxe a hebla a Hilkiya fee o saasadax o maak oxe fo saasadax we ndeefna took um fo we yetooxoogna ndokand ne no Mbind ne no Yaal oxe, da sut teen tig oo tig ke mbi’an’eena a Baal fa Asera fo xa qoor axe na asamaan. A ndoxte tafil Yeerusaleem no lanq peenjeenju kaa Kederon, soo ndaw ke a ƥisel Betel.

A cangatin ale 5:12

Gayi bes fee na ñootnax ale, ndax o tedlandin, ne heblitoonga o ten, mi o Yaal oxe Roog of.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

Esayi 55:7

Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.

2 Maad we 20:3

«Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.