Nehemi 13:21 - NQAARIIT NE ROOG

²¹ Raagooxaam a den ee: «Xar taxu nu mbe’aa me jasnoorna fo saŋe ne? Nu ƥaatangaan xam damnoor a nuun.» No kaa xotitna maaga ngaroogatee na bes fee na ñootnax ale.

Nehemi 13:21 Referans Kwoze

1 Piyeer 2:14

mbaat gofornoor ke. O Yaal oxe lulu a den, da nqawaa we na mbi’aa paaxeer, a tagasaa we na mbi’aa paax.

Esdaraas 7:26

Oxuu gaykeerna deŋ kebil ke na Roog of fo ke no maad oxe, xan a hate’el, ndax ta warel mbaat ta sutel saax laa mbaat ta maalel mbaat ta wegel kaso.»

Nehemi 13:15

Na jamaane fa leng kut faaga, ga’aam kam Yudaa wiin waa nduutoogna xa tim taxar biiñ kam xa nirand na bes fee na ñootnax ale, waa na ƥisaa a keeg, a sufaa sax biiñ, xa tim taxar biiñ, xa tun fo tig lakas kuu refna took xa paam, a ƥisaa a den Yeerusaleem na bes fee na ñootnax ale. Raagooxaam a den no ñaal naa da njikooxoogna cula den.

Nehemi 13:20

Jula we fo jiijikax we no cula kuu ndefna a mbe’a jaf leng boo na ƭak sax tafil saŋe ne Yeerusaleem.

Nehemi 10:32

We no saax le a njikooxiidangaa cula mbaat ñaamluwel kuu ta waagna o ref, na bes fee na ñootnax ale mbaat na bes fa tedu fa lakas, i njikitkee na den dara. O hiid ɓetuu ɗikandeer oluu refna xan i ñarin lanq ke, mbaasanit xa lad axe fop.