Nehemi 13:16 - NQAARIIT NE ROOG

¹⁶ A jeg’a itam Tiitiir waa ngenoogna Yeerusaleem. Kaa ƥisiidoogu liƥ fo cula kuu ndefna, a njikooxaa a den Yuuyudaa we fo kam Yeerusaleem na bes fee na ñootnax ale.

Nehemi 13:16 Referans Kwoze

A sutax ale 23:12

Nu njega pes ɓetuu fa leng kaa nu ci’eena o mbi calel nuun, ndaa na bes fa ɓetuu ƭikandeer fee koy, nu mbara o ñootnoox, ndax qoox nuun fo xa paam nuun a njeg a ñootnax, soo xa ƥiy axe no jeefeer nuun fo xa kataakoon axe a ƥutnoox.

A cangatin ale 5:14

Ñaal ɓetuu ƭikandeer ne koy, bes a ñootnax es oo, mi o Yaal oxe Roog of. Wariro jal teen tus, wo fo o ƥeef o ngoor mbaat o ƥeef o ndew mbaat surga of mbaat o mbindaan of mbaat qoox of mbaat o faam of mbaat njegel of nuu ta waagna waag o ref mbaat o gataakoon ole refna no mbind of, ndax surga of fo o mbindaan of a mbaag o ñootnoox nen a wo.

A sutax ale 20:10

Ñaal ɓetuu ƭikandeer ne koy, bes a ñootnax es oo, mi o Yaal oxe Roog of. Wariro jal teen tus, wo fo o ƥeef o ngoor mbaat o ƥeef o ndew mbaat surga of mbaat o mbindaan of mbaat njegel of mbaat o gataakoon ole refna no mbind of,

Nehemi 13:15

Na jamaane fa leng kut faaga, ga’aam kam Yudaa wiin waa nduutoogna xa tim taxar biiñ kam xa nirand na bes fee na ñootnax ale, waa na ƥisaa a keeg, a sufaa sax biiñ, xa tim taxar biiñ, xa tun fo tig lakas kuu refna took xa paam, a ƥisaa a den Yeerusaleem na bes fee na ñootnax ale. Raagooxaam a den no ñaal naa da njikooxoogna cula den.

Nehemi 13:17

Xasanaam garmi ke Yudaa, lay a den ee: «Xar paaxeer kene nu mbi’aa a refu, maasandaa bes fee na ñootnax ale?