Nehemi 13:15 - NQAARIIT NE ROOG

¹⁵ Na jamaane fa leng kut faaga, ga’aam kam Yudaa wiin waa nduutoogna xa tim taxar biiñ kam xa nirand na bes fee na ñootnax ale, waa na ƥisaa a keeg, a sufaa sax biiñ, xa tim taxar biiñ, xa tun fo tig lakas kuu refna took xa paam, a ƥisaa a den Yeerusaleem na bes fee na ñootnax ale. Raagooxaam a den no ñaal naa da njikooxoogna cula den.

Nehemi 13:15 Referans Kwoze

Nehemi 10:31

In we ngebooxaa yee i ci’kee qeet ke no saax le xa ƥiy xa tew axe in too i ngilgankee xa ƥiy xa koor axe in xa ƥiy xa tew axe den.

Nehemi 13:21

Raagooxaam a den ee: «Xar taxu nu mbe’aa me jasnoorna fo saŋe ne? Nu ƥaatangaan xam damnoor a nuun.» No kaa xotitna maaga ngaroogatee na bes fee na ñootnax ale.

A sutax ale 34:21

Fat nu njalaa pes ɓetuu fa leng, soo na bes fa ɓetuu ƭikandeer fee nu ñootnoox. Fat nu ñootnooxaa sax na waxtu a qooq fo na waxtu a saxad.

Esayi 58:13

O Yaal oxe kaa tee: «Boo fañoona o yapatil bes fee na ñootnax ale, ndax ƴufankiro ke feloonga na bes fa tedu fee mi, o xoyangaa bes fee na ñootnax ale bes o ɗaay, ɓoxot bes fee kesaneema o ndam, fañ o jaltin, fañ o ƴufan ke feloonga soo fañ o ñimatireel teen xa koɓong,

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Yeremi 17:24

O Yaal oxe kaa tee: «Nu nan-gilooxangaam a paax, mbañ o ndoknit toq no tokand ke na teeru fene na bes fee na ñootnax ale, nu tedlandangaa bes fee na ñootnax ale too mbañ o njal teen dara,

A cangatin ale 8:19

Kaa koy, boo nu mbeecitna o Yaal oxe Roog nuun, ndeefaa roog lakas ke, mbaɗooxaa a den, ngungaa mbaambir den, mexe layaa a nuun xaye yee yaaga xan nu saŋkoox.

A sutax ale 35:2

Fat nu njalaa pes ɓetuu fa leng ke. Bes fa ɓetuu ƭikandeer fee refna bes fee na ñootnax ale kesaneema koy, o kiin oxuu jaltuuna, fat a warel.

Nehemi 9:29

Maƭooxaa a den, ndax da nomtooxiid no kebil of, ndaa den o mat, a magnandooxooga, a mbañ o ndeef kebil of. A ƭapa bargal ke wo o kiin oxe warna o fadin, ndax ta ñoow. Kaa nquun yaam nanaƭar, a saƭik a qoox, a mbañ o nan-giloox.

1 Tesalonik 4:6

No keene, ba o leng na nuun a tooñ o pog um o kimu mbaat ta jaɓ o teem, yaam i lay’aan, too maƭooxin a nuun boo ƈut, xan o Yaal oxe a dalin hate no keene fop.

Efees 4:17

Keeke um layaa a nuun boog, soo yegnan a nuun no gon le no Yaal oxe: Ba nu ñaaƴtat nen gimaƭaru we, na ndeefaa a qalaat ake den naangeerna o ƥisaa den sen.

Galati 5:3

Kaam bug o ɓaat o maƭoox a nuun ee oxuu xucnoorna a xoox um yaam Roog, a wara reef kebil lakas ke Roog fop.

A pi ake 20:21

Jasnooraam fo Yaawuur we fo we ndefeerna Yaawuur, xoy a den ndax da ndamoox na Roog, too a ngim no Yaal oxe Yeesu.

A pi ake 2:40

Maaga, Piyeer a saƭakina a den fo fa lay fa lakas fa mayu, too a maƭoox a den ee: «Njaɓyo muc no wiin faaxeer we ndiiki.»

Mise 6:3

O Yaal oxe kaa tee: «Wo xeet es, xar fi’oong? Na xar xijlandtoong? Doonaam!

Yeremi 42:19

Nuun yoqatin we Yudaa, o Yaal oxe layu a nuun ee ba nu ndet Misira! Andeenoo a paax, mexe woornan a nuun xaye!

A kim a tedu ke 50:7

«Xeet es, nan-gilooxi, jegaam kaa layoonga. Wo Isra’el, mexe jambang, mi fee Roog, refna ref Roog of.

2 Caloori ke 24:19

O Yaal oxe a lultiida a den duleer ndax weene a nomtiid a den me ten. Duleer we a ƥanja a den, ndaa a mbaña o nan-giloox a den.

Nehemi 13:16

A jeg’a itam Tiitiir waa ngenoogna Yeerusaleem. Kaa ƥisiidoogu liƥ fo cula kuu ndefna, a njikooxaa a den Yuuyudaa we fo kam Yeerusaleem na bes fee na ñootnax ale.

Xa peƭit axe 28:4

We na ƭapaa kebil ke kaa ndif’aa soxodu we, we na ngayaa kebil ke mat a mbuuxanaa a den.

Amos 8:5

Kaa nu layaa yee: ‹Ndi mban muus fee no nqool onqe a faafkaa boo i mbaag o njikook bele fee in? Ndi mban bes fee na ñootnax ale a faafkaa, boo i mbaag o ndok no tap in? Xan i mbañ eedir ke, njigand ne i ƥaatin, yaq balaas fee boo mbaag o ñaam jiijik we.

A sutax ale 31:12

O Yaal oxe a laya a Moyiis

A sutax ale 31:16

Nuun Ii-isra’el we, fat nu niw bes fee na ñootnax ale na xa taan boo na xa tanaraat, yaam ngiɓoor naa na refkaa boo faw a refu.

Nehemi 10:32

We no saax le a njikooxiidangaa cula mbaat ñaamluwel kuu ta waagna o ref, na bes fee na ñootnax ale mbaat na bes fa tedu fa lakas, i njikitkee na den dara. O hiid ɓetuu ɗikandeer oluu refna xan i ñarin lanq ke, mbaasanit xa lad axe fop.

Ke bindeena no xe ne’eena YOB 39:12

Ndax xan o ɗag no ten yaakaar of, ta ruuñiid saxade of? Foogaa moos ee xan o fokattiidin a kusax of no cukand ne?