Nehemi 13:14 - NQAARIIT NE ROOG

¹⁴ «Roog es, wetandooxaam yaam keene fop! Ba o weecit ngor ne jalantuuma Mbind Roog ne fo a paɗax ale ten.»

Nehemi 13:14 Referans Kwoze

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

Nehemi 13:31

Dalnatinaam itam sadax ke na xa cuuƭ axe mbareena o ƥisiid no fo ngap ne simteena fo fee no ke eetna o foor no duufe le. «Roog es, wetandooxaam fo o paaxel.»

Nehemi 13:22

Heblaam itam Leelewi we da ƥogdoox soo a yetooxiid tokand ke, ndax da tedland bes fee na ñootnax ale. «Roog es, wetandooxaam yaam keene itam too yirmaam yaam o paaxel o maak of!»

Esdaraas 7:20

Xan o xotit na kamba le no maad oxe ke helna no ñake-ñake lakas ke waroona o fi no Mbind ne na Roog of.

Nehemi 5:19

«Roog es, wetandooxaam fo o paaxel yaam fop ke fi’anuuma xeet fene.»

2 Caloori ke 24:16

A gase na ƥak ale Dawid me no maad we, yaam kaa fi’’u paax kam Isra’el, a fi’in na kid Roog fo no Mbind Roog ne itam.

1 Caloori ke 29:3

Halal fee jegooduuma koy, ta ref wurus mbaat xaaliis, ci’aanum Mbind ne na Roog es. Ɓaataanum no ke jagandanuuma Mbind tedu neene boo ƴut yaam kaa felaam lool.

Esdaraas 7:27

Esdaraas a falalooxa yee: «A simat a hela o Yaal oxe Roog fee no daan in riñna o maad oxe ta niwit neene Mbind ne no Yaal oxe refna kam Yeerusaleem.

Mbeeñil 3:5

Oxe na maafkaa, xan a rokoorit neene itam tikoorik tan, too foritkiim gon um no safe le no ñoow ole. Mbaambir Faap es fo mbaambir malaaka ke ten, xam lay ee andaanum nen oxaa fogna na mi.

Esdaraas 7:24

Mexe heblahinaa yee baa a bateer, juuti fo ndabid a ñaaƈ a ndabdinooxel saasadax we, Leelewi we, giigim we, yeeyetax we na xa ton-maax axe, diidimle we fo dag we no Mbind Roog neene.

2 Maad we 20:3

«Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

Esayi 38:3

Kaa layoogu yee: «Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.